Mika Salo

Mika Salo (gebore 30 November 1966 in Helsinki) is 'n afgetrede Finse renjaer. Hy het tussen 1994 en 2002 aan Formule Een-wedrenne deelgeneem. Sy beste kampioenskapuitslag was tiende in 1999.

Mika Salo
Mika Salo in 2009
Geboortedatum	30 November 1966 (1966-11-30)
Geboorteplek	Helsinki, Finland
Nasionaliteit	Finland
Aktiewe jare	1994–2002
Ou span(ne)	Lotus, Tyrrell, Arrows, BAR, Ferrari, Sauber, Toyota
Inskrywings	111 (110 keer weggespring)
Kampioenskappe	0
Oorwinnings	0
Podiums	2
Loopbaanpunte	33
Voorste wegspronge	0
Vinnigste rondtes	0
Eerste F1-wedren	1994 Japannese Grand Prix
Laaste inskrywing	2002 Japannese Grand Prix

Formule 1

Hy het sy superlisensie in 1994 verwerf en vir die Lotus-span begin jaag, maar kon geen punte aangeteken nie. Hy het in 1995, 1996 en 1997 vir Tyrrel gejaag en vyf punte in die eerste twee seisoene en drie punte in 1997 geneem en 15de (1995), 13de (1996) en 17de (1997) geëindig. In 1998 is hy na die Arrows-span, hy kon daarin slaag om 3 punte te behaal en het 13de geëindig. Hy het nie 'n voltydse renplek by BAR vir die 1999-seisoen gekry nie. Omdat BAR se gereelde jaer Ricardo Zonta beseer is, kon Mika aan 3 wedrenne vir hulle deelneem.

In 1999 is hy toegelaat om die plek van Michael Schumacher vir Scuderia Ferrari in 6 renne in te neem. Sy beste uitslag was by die Hockenheimring by die 1999 Duitse Grand Prix, waar hy volgens spanbevele tweede geëindig het agter Eddie Irvine. Hy is ná die negende ren van die kampioenskap deur Ferrari oorgeneem. Hy het 10 punte behaal en is 10de in die kampioenskap geplaas.

In 2000 is hy deur Sauber gehuur en het 6 punte aangeteken om 11de in die kampioenskap te eindig. Na 'n blaaskans in 2001 was hy terug in 2002 vir die Toyota F1-debuut, en het 'n enkele punt in die eerste wedren sowel as in die derde wedren geneem en 17de in die kampioenskap geëindig.

Na Formule 1

In 2003 was sy eerste wedren na Formule 1 in 'n Audi R8, tydens die 12 uur van Sebring. Hy sou ook met dieselfde motor aan die 24 uur van Spa-Francorchamps deelneem; hy het egter al na 1 uur sonder brandstof gaan staan.

In 2004 debuteer hy in 'n Ferrari 575 in die FIA GT, hy wen twee renne in die kampioenskap.