Mokala- Nasionale Park

Die Mokala- Nasionale Park is in die Noord-Kaap, Suid-Afrika. Die park se naam is 'n Setswana-naam vir Kameeldoringboom. Die park is 80 km suidwes vanaf Kimberley, in Junie 2007 geproklameer en is 19 611 ha groot. Die noordgrens van die park word deur die benede-Rietrivier gevorm, en die Lilydale-ruskamp is op die oewer daarvan geleë. SANParke het diere uit die voormalige Vaalbos- Nasionale Park hierheen oorgeplaas.

Mokala- Nasionale Park
Land	Suid-Afrika
Provinsie	Noord-Kaap
Naaste dorp	Kimberley
Mokala- Nasionale Park
Koördinate: 29°10′0″S 24°21′0″O
Oppervlak	19 611 ha
Openingsjaar	2007
Bestuursliggaam	SANParke
Webblad	Mokala- Nasionale Park

Huisvesting

Huisvesting is in een van drie lodges, naamlik Haak-en-steek, Mosu en Lilydale. Mosu Lodge kyk oor 'n watergat uit, wat veronderstel is om 'n versamelplek vir voëls en diere te wees.

Besoekers kan buiten die lodges ook in die Stofdam-voëlskerm, die Kameeldoorn-boomhuis en die rustieke Motswedi-kampeerterrein oornag, deur van hulle eie kampeertoerusting gebruik te maak. Motswedi se staanplekke bied elkeen 'n privaat toilet, stort en ingeboude ontbythoekie. Geen kragpunte is hier beskikbaar nie; die geysers is sonkragaangedrewe.

Die twee restaurante is by Mosu Lodge en Lilydale-ruskamp geleë; maaltye moet by albei vooraf by ontvangs bespreek word. Lilydale bedien slegs ontbyt en middagetes, geen aandetes nie. Selfsorgwilderniskampe en 'n luukse privaatkamp word vir die toekoms beplan.

Fauna

Soogdiere

• 
  Eland
• 
  Kameelperd
• 
  Buffel
• 
  Swartrenoster
• 
  Witrenoster
• 
  Basterhartbees
• 
  Bastergemsbok
• 
  Duiker
• 
  Gemsbok
• 
  Rooihartbees
• 
  Rooiribbok
• 
  Koedoe
• 
  Swartwildebees
• 
  Springbok
• 
  Steenbok
• 
  Klipspringer

• 
  Rooikat
• 
  Rooijakkals
• 
  Bakoorvos
• 
  Graatjiemeerkat
• 
  Waaierstertmeerkat of grondeekhoring.

Hier is ook 'n groot verskeidenheid voëls om waar te neem.

Flora

Bome

• 
  Acacia erioloba (Kameeldoring)
• 
  Acacia tortilis
  (Haak-en-steek)
• 
  Acacia mellifera (Swarthaak)
• 
  Ziziphus mucronata (Blinkblaar-wag- 'n-bietjie)

Grasse

• Schmidtia pappophroides
• Knietjiesgras (Eragrostis lehmanniana)
• Kweekgras (Cynodon dactylon)

Bronne

• Padlangs deur Suid-Afrika. Struik Travel and Heritage. 2010. ISBN 978-1-77007-751-5
• SANParke – Soogdiere in Mokala

Eksterne skakels

• Amptelike webtuiste