Maak hoofkeuseskerm oop
Sir Thomas Muir, na wie die skool genoem is en wat ook die vorige skoolgebou, in Parklaan, in 1904 geopen het.

Die Hoër Seunskool Muir-kollege is ’n gekombineerde staatskool op Uitenhage in die Oos-Kaap, Suid-Afrika, wat onderrig deur medium van Engels aan seuns van gr. R tot 12 bied.

Inhoud

GeskiedenisWysig

Muir-kollege maak daarop aanspraak dat dit die oudste Engelsmedium-hoërskool in Suid-Afrika is wat reeds in 1822 ontstaan het, sewe jaar voor die Suid-Afrikaanse Kollege waaruit SACS voortgevloei het, toe ’n Skotse opvoedkundige, James Rose-Innes, op 12 Julie in daardie jaar Uitenhage se eerste vrye staatskool in Cuylerstraat met 60 leerders begin het. In 1865 het die Proprietary School begin, wat eksklusiewer was en skoolgeld gehef het. Eerw. dr. Robert Templeton was die eerste skoolhoof. In 1873 het die staatskool en dié instelling saamgesmelt en in 1875, toe dit bekendgestaan het as die Openbare Onsektariese Skool, na Parklaan verhuis.

In 1892 het die skool se naam verander na die Muir-akademie ter ere van die nuwe en derde superintendent-generaal van onderwys in die Kaapkolonie onder Britse bewind, sir Thomas Muir, wat die amp in daardie jaar aanvaar het nadat hy op 20 Mei na die Kaap gekom het uit Skotland. Hy het die nuwe skoolgebou in 1904 in Parklaan ingewy. Later is die naam weer verander, na die Hoërkool Muir en in 1962 het die laerskoolafdeling na ’n afsonderlike perseel verhuis. In 1987 het Muir se hoërskoolafdeling na Vanes Estate verhuis toe die laerskool die geboue in Parklaan betrek het. In 1994 het die twee afdelings opnuut een geword en sedertdien gebruik albei die perseel in Vanes Estate.

Die skool bied koshuisgeriewe aan sowat 100 kosgangers op sy Vanes Estate-kampus.

Noemenswaardige oudleerdersWysig

  • Fred Smollan
  • Mel Channer
  • Shane Gates
  • Darron Nell
  • Michael Killian
  • Andrew Binning
  • Garth Wright
  • Peter Myburgh

BronneWysig

Sien ookWysig