NG gemeente Constantiakruin

Die NG gemeente Constantiakruin is 'n makrogemeente van die Nederduitse Gereformeerde Kerk in die Sinode Goudland (voorheen Wes-Transvaal).

Die NG kerk Constantiakruin. Ds. C.P. Willemse het die hoeksteen onthul op 5 Maart 1977. Die argitekte was Van Niekerk & Louw en die bouaannemers Green & Williams.

Die gemeente is in 1973 gestig. Die kerkgebou is geleë op die hoek van Liebenbergweg en Yolanderylaan, Constantiakloof, Roodepoort. In 2013 is die gemeente bedien deur drie voltydse leraars. Daar was in daardie jaar 627 doop- en 2 366 belydende lidmate. In die Jaarboek van 2021 was die syfers 569 en 3 116.

Die NG gemeente Florida is op 1 November 2014 by hierdie gemeente ingelyf. Floridapark het later dieselfde paadjie gevolg.

Enkele leraars

• Carel Pieter Willemse, 1974 - 1981 (oorgekom vanaf Floridapark)

Bronne

• Small, Mario (samesteller). 2013. Jaarboek van die NG Kerke. Wellington: Tydskriftemaatskappy van die NG Kerk NPC - 'n divisie van Bybel-Media.