Nagapie
Die nagapie (Galago moholi) is een van drie spesies en die kleinste van die nagape. Die soogdier kom in die noordelike dele van Suid-Afrika, Botswana, Namibië en die hele Zimbabwe voor.
| Nagapie | |
|---|---|
| |
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | |
| Spesie: | G. moholi
|
| Binomiale naam | |
| Galago moholi A. Smith, 1836
| |
| |
Kenmerke
wysigDie nagapie het kenmerkende groot oë, kaal beweeglike ore en lang agterbene. In die nag weerkaats sy oë rooi in 'n skerp lig. Die mannetjies is effens groter as die wyfies. Sy pels is dunner en minder wollerig as dié van die bosnagaap. Die mannetjie weeg tot 155 gram terwyl die wyfie tot 150 gram weeg.
Habitat en gewoontes
wysigDie nagapie hou van die bosveldomgewing en verkies veral mopanie- en doringveld langs riviere en spruite. Hulle is groeplewende nagdiere wat veral vroegaand en die laaste deel van die nag aktief is. Snags wei hulle alleen en bedags slaap hulle in groepe saam in 'n nes. Hulle was gereeld hulle pote met urine en kan ver spring tussen bome as hulle kos soek of vlug. Hulle lewensduur is ±10 jaar.
Hulle eet gom, sprinkane, motte en spinnekoppe terwyl hulle natuurlike vyande die luiperd en reuse-ooruil is. Een tot twee kleintjies word in Oktober tot November of Januarie tot Februarie gebore na 'n dragtyd van 4 maande.
Sien ook
wysigVerwysings
wysig- ↑ Bearder, S., Butynski, T. M. & Hoffmann, M. (2008). Galago moholi. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 1 Januarie 2009.
Bronne
wysig- Die Soogdiergids van Suider-Afrika. Burger Cillié. 2009. ISBN 978-1-875093-46-5
Eksterne skakels
wysig
Wikiwoordeboek het 'n inskrywing vir nagapietjie.
