Maak hoofkeuseskerm oop

Niemandsland was die oorspronklike naam vir Griekwaland-Oos, 'n distrik wat in noordoostelike deel van Kaapland was, maar in 1978 aan die destydse Natal, sedert 1994 KwaZulu-Natal, oorgedra is.

In 1862 het sowat 2 000 Griekwas onder kaptein Adam Kok III hulle daar vestig. Hulle het van Griekwastad af gekom, op Philippolis in die Vrystaat gewoon en toe deur Basoetoeland, nou Lesotho, getrek met die meeste van hul 20 000 stuks vee en 300 waens na dié onbewoonde maar vrugbare hoogland. Met hul hoofkwartier op Kokstad was die Griekwas deels onafhanklik en het papiergeld uitgereik (tans uiters seldsaam) in 1868 en ook munte, maar druk van nabygeleë swart stamme en van die naderende wit nedersetters was te sterk. In 1878 het Griekwaland-Oos deel van die Kaapkolonie geword en is dit onder 'n magistraat geplaas, wat die orde help herstel het.

In 1880 het die Griekwas in opstand gekom, maar sedertdien het die gebied vooruitgegaan en het dit eindelik een van Suid-Afrika se belangrikste suiwel- en beesgebiede geword.

BronneWysig

  • Rosenthal, Eric. 1978. Encyclopaedia of Southern Africa. Cape Town and Johannesburg: Juta and Company Limited.