Noord-Ossetië-Alanië

Die Republiek van Noord-Ossetië-Alanië (Russies: Республика Северная Осетия – Алания, Respoeblika Sewjernaja Osetija – Alanija; Osseties: Республикӕ Цӕгат Ирыстон – Алани, Respublikæ Tsægat Iryston-Alani) is ’n republiek (’n deelgebied) van Rusland. Die hoofstad is Wladikafkaz. Die bevolking van Noord-Ossetië se godsdiens is grotendeels Russies-Ortodoks.

Republiek van Noord-Ossetië-Alanië Республикӕ Цӕгат Ирыстон – Алани
Die ligging van Noord-Ossetië-Alanië in Rusland.
Politieke status
Land	Russiese Federasie
Federale distrik	Noord-Kaukasiese
Ekonomiese streek	Noord-Kaukasiese
Stigting	7 Julie 1924
Regering
Hoofstad	Wladikafkaz
Leier	Taimoeraz Mamsoerof
Amp	President
Wetgewer	Parlement
Bevolking
Sensus	2010
Totaal	712 980
Volgorde	64ste
Digtheid	89,12/km2
Stedelik	63,8%
Plattelands	36,2%
Statistiek
Oppervlakte	8 000 km2
Volgorde	79ste
Tydsone	UTC+04:00
Registrasienommer	15
Amptelike tale	Russies, Osseties
Webtuiste	http://www.rso-a.ru/
Wapen en vlag
Portaal    Rusland

Politiek en ekonomie

In teenstelling met die Georgiese Suid-Ossetië beskik die Russiese Noord-Ossetië oor 'n goed ontwikkelde industriële sektor wat grotendeels in die hoofstad Wladikafkaz gekonsentreer is en 'n moderne burgerlike lughawe in Beslan. Die belangrikste Russiese militêre basis en lughawe in die Kaukasus-gebied, Mosdok, is eweneens in Noord-Ossetië geleë.

Betrekkinge met die naburige Islamitiese republieke Ingoesjetië en Tsjetsjnië in die ooste en Kabardino-Balkarië in die weste was in die verlede uiters gespanne. In 1992 is vermoedelik 400 Ingoesjete in pogroms vermoor. Die gyselaarsdrama in 'n skool in Beslan het meer as 300 menselewens geëis. In die 1990's het duisende bewoners van Suid-Ossetië na die noorde gevlug.

Geografie

Kaart van Noord-Ossetië-Alanië

Die republiek lê in die Noord-Kaukasus en sowat 22% bestaan uit woude.

Al die riviere behoort tot die opvanggebied van die Terekrivier. Van die grootstes sluit in:

• Terek (~600 km)
• Oeroech (104 km)
• Ardon (101 km)
• Kambileiefka (99 km)
• Gizeldon (81 km)
• Fiagdon
• Soenzja (278 km)

Al die berge in die republiek is deel van die Kaukasus. Berg Kazbek is die hoogste piek (5 033 m) en Berg Dzjimara die tweede hoogste (4 780 m).

Natuurlike hulpbronne

Natuurlike hulpbronne sluit in minerale (koper, silwer en sink), hout, mineraalwater, hidroëlektriese krag, olie en gas.

Verwysings

Hierdie artikel is vertaal uit die Engelse Wikipedia-artikel