Noordwes-Afrikaanse jagluiperd

Die Noordwes-Afrikaanse jagluiperd (Acinonyx jubatus hecki), ook bekend as die Sahara-jagluiperd, is 'n skaars, kritiek bedreigde jagluiperd-subspesie wat hoofsaaklik in die grondgebied van Noord-Afrika voorkom, onder meer Algerië, Togo, Mali, Benin en Burkina Faso. Die totale bevolking kan selfs minder as 250 volwasse individue wees.[2]

Noordwes-Afrikaanse jagluiperd
Flickr - DVIDSHUB - Cheetah in the Shade.jpg
A cheetah at Termit Massif, Niger
Wetenskaplike klassifikasie
Koninkryk:
Filum:
Klas:
Orde:
Carnivora
Familie:
Felidae
Genus:
Spesie:
Subspesie:
A. j. hecki
Trinomiale naam
Acinonyx jubatus hecki
Hilzheimer, 1913
Acinonyx jubatus subspecies range.png
A. j. hecki se verspreiding:

   voorheen

   vandag

Sinonieme

A. j. senegalensis (Blainville, 1843)

VoedselWysig

Die stapelvoedsel van die Noordwes-Afrikaanse jagluiperd bestaan kenmerkend uit wildsbokke wat tot die droëlandgebied aangepas is, soos die addaks, die dorkasgasel, die duingasel en die damagasel. Dit kan ook op kleiner diersoorte jagmaak, soos hase.

Habitat en EkologieWysig

Die Noordwes-Afrikaanse jagluiperd is gewoonlik alleenlopend en semi-nomadies. Klein groepe kan wel voorkom, soos 'n jagluiperdwyfie en haar welpe of koalisies bestaande uit jagluiperdmannetjies, wat meestal 'n baie klein territorium beslaan. Die grondgebied van die wyfies is in gebiede geleë met 'n groot getal prooi, wat daardeur ook die mannetjies se grondgebied bepaal. Daar word aangevoer dat hulle rondom die Sentraalwestelike Saharawoestyn en Sahelstrook in klein splintergroepe verspreid is. Navorsers dui daarop dat die grootste van hierdie bevolkings in die Ahaggar-hooglandgebied van Algerië voorkom, ewenwel die bewysstukke van die 2009-verslag op vier indiwidue en beperkte data geskoei is.[3]

VerwysingsWysig

  1. Belbachir, F. (2008). Acinonyx jubatus ssp. hecki. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 4 Februarie 2009.
  2. Zoological Society of London. "New evidence of critically-endangered cat" (in Engels). Geargiveer vanaf die oorspronklike op 4 Maart 2011. Besoek op 24 Februarie 2009.
  3. Rare cheetah caught on camera trap in Sahara Geargiveer 26 Desember 2010 op Wayback Machine. The Telegraph (Londen). 25 Februarie 2009. Besoek 2009-02-25.

Eksterne skakelsWysig