Oos-Kaapse Provinsiale Wetgewer
Die Oos-Kaapse Provinsiale Wetgewer is die primêre wetgewende liggaam van die provinsie Oos-Kaap. Dit het 'n eenkamersamestelling en verkies die premier en die provinsiale kabinet uit die lede van die leierparty of koalisie in die parlement.
Regering (45)
██ ANC: 45 setels Amptelike Opposisie (11) ██ DA: 11 setels Ander partye (16)
██ EFF: 8 setels ██ UDM 3 setels██ PA: 2 setels ██ MK: 1 setel██ ATM: 1 setel ██ VF Plus: 1 setel
Magte
wysigDie Oos-Kaapse Provinsiale Wetgewer verkies die premier van die Oos-Kaap en kan die premier dwing om te bedank deur 'n mosie van wantroue te aanvaar. Al word die Uitvoerende Raad van die provinsie deur die Premier benoem, kan die wetgewer 'n mosie van wantroue aanneem wat die Premier dwing om die Raad te herkonfigureer. Die provinsiale wetgewer wys ook afgevaardigdes van die Oos-Kaap aan die Nasionale Raad van Provinsies toe en afgevaardigdes van partye word toeken in verhouding tot die totale aantal setels wat elke party in die wetgewer hou.
Die wetgewer is by magte om wetgewing op verskeie terreine aan te neem, soos uiteengesit in die nasionale grondwet; op sommige terreine word die wetgewende mag met die nasionale parlement gedeel, terwyl ander vir die provinsie gereserveer word. Die velde sluit sake soos gesondheid, onderwys, landbou, behuising, beskerming van die omgewing en ontwikkelingsbeplanning in.
Die wetgewer hou toesig oor die administrasie van die provinsiale regering van die Oos-Kaap, en die Premier van die Oos-Kaap en die lede van die Uitvoerende Raad moet aan die wetgewer verslag doen oor die uitvoering van hul individuele verantwoordelikhede. Die wetgewer bestuur ook die geldsake van die provinsiale regering deur middel van die bewillingswetsontwerpe wat die provinsiale begroting bepaal. [2]
Verkiesing
wysigDie Provinsiale Wetgewer bestaan uit 63 lede wat verkies word deur 'n stelsel van proporsionele verteenwoordiging van die partylys met geslote lyste. Met ander woorde, elke kieser stem vir een politieke party, en setels in die wetgewer aan die partye toegeken in verhouding tot die aantal stemme wat dit ontvang het. Die setels word dan deur lede gevul volgens die lyste wat die partye voor die verkiesing ingedien het.
Ampsdraers
wysigDie Speaker is die politieke hoof van die wetgewer en word bygestaan deur 'n adjunkspeaker. Die huidige speaker is Helen Sauls-August, en die adjunkspeaker is Vuyo Jali; hulle is albei lede van die African National Congress.[3]
Sedert 22 Mei 2019 is die agbare Oscar Mabuyane, van die African National Congress die premier van die Oos-Kaap. Die leier van die Opposisie is sedert 14 Junie 2024 Vicky Knoetze van die DA.
Verwysings
wysig- ↑ Bay DA men off to Bhisho parliament. Besoek op 23 Mei 2019.
- ↑ "Skeiding van magte". Geargiveer vanaf die oorspronklike op 26 Junie 2019. Besoek op 18 Januarie 2020.
- ↑ Presiding Officers: Sixth Term. Besoek op 26 Junie 2019.
