Patroklos

In die Griekse mitologie, soos vertel in Homeros se Ilias,[1] was Patroklos (Grieks: Πάτροκλος, "glorie van die vader") ’n goeie vriend van Achilles. Hy was die seun van Menoetius, seun van Aktor,[2][3] die koning van Opus, en deur sy ouma Aigina Achilles se kleinneef.

Patroklos, deur Jacques-Louis David (1780).

MitologieWysig

Vroeë leweWysig

As kind het Patroklos ’n ander kind doodgemaak uit woede oor ’n bordspel. Menoetius het Patroklos aan Peleus, Achilles se pa, gegee en hy het saam met Achilles grootgeword.[4] Patroklos was ’n rolmodel vir Achilles, want hy was ouer en wys.[5]

Trojaanse OorlogWysig

Toe die noodlot volgens die Ilias teen die Achajers (Grieke) was in die Trojaanse Oorlog en die Trojane hulle skepe bedreig het, het Patroklos die geveg teen hulle gelei. Hy het Achilles se wapentuig aangetrek en baie Trojane en van hulle bondgenote doodgemaak, onder andere ’n seun van Zeus, Sarpedon.[6] Hy is daarna self doodgemaak, deur Paris se broer Hektor.[6]

 
’n Beker wat uitbeeld hoe Achilles Patroklos verpleeg.

Achilles het Patroklos se liggaam gaan haal, wat van sy wapentuig gestroop was en op die slagveld beskerm is deur Menelaos en Alias.[7] Achilles het nie toegelaat dat Patroklos begrawe word nie todat Patroklos se spook verskyn en geëis het om begrawe te word sodat hy na die onderwêreld kan gaan.[6] Nadat Achilles ook gesneuwel het, is hulle oorskot saam begrawe.[8]

Verhouding met AchillesWysig

Hoewel geen eksplisiete seksuele verhouding tussen Achilles en Patroklos in die Homeriese tradisie genoem word nie, het latere Griekse skrywers geskryf oor wat hulle beskou het as geïmpliseer in die tekste. Aischulos en Faidros het byvoorbeeld geskryf daar was duidelik ’n verhouding tussen hulle, en albei het na Achilles verwys as die passiewe maat in die verhouding.[9]

Morales en Mariscal het gesê daar is "’n polemiese tradisie oor die aard van die verhouding tussen die twee helde".[9] Volgens Ledbetter (1993)[10] bestaan ’n idee dat Patroklos ’n deernisvolle kant van Achilles verteenwoordig, want Achilles was bekend vir sy woede, soos genoem in die eerste reël van die Ilias. Ledbetter verbind die manier waarop Achilles en sy ma, Tetis, kommmunikeer met die kommunikasie tussen Achilles en Patroklos.[10]

Hooker beskryf die noodsaaklikheid van Patroklos se teerheid teenoor Achilles in die Ilias.[11] Volgens sy teorie laat die teerheid ’n selfs groter tragedie gebeur. Hooker argumenteer hoe groter die liefde, hoe groter die verlies.

VerwysingsWysig

  1. Martin, Richard (2011). The Iliad of Homer. Chicago, IL: The University of Chicago Press.
  2. Homeros. "online text". Ilias. Perseus Digital Library. 11.785.
  3. Homeros (1924). Die Ilias, in Engels vertaal deur. Vertaal deur Murray, A.T. Ph.D. Cambridge, MA; London, UK: Harvard University Press; William Heinemann, Ltd. "Aanlyn weergawe". Perseus Digital Library.
  4. Homeros. "aanlyn". Ilias. Perseus Digital Library. 23.83–92.
  5. Finlay, Robert (1980). Patroklos, Achilleus, and Peleus: Fathers and Sons in the Iliad. The Classical World. pp. 267–273.
  6. 6,0 6,1 6,2 Lattimore, Richmond (2011). The Iliad of Homer. Chicago: The University of Chicago Press.
  7. Bulfinch, Thomas (1985). The Golden Age. Londen: Bracken Books. p. 272.
  8. Chisholm, Hugh (1911). "Achilles". Encyclopædia Britannica (11th uitg.).
  9. 9,0 9,1 Morales, Manuel Sanz; Mariscal, Gabriel Laguna (2003). "The Relationship between Achilles and Patroclus according to Chariton of Aphrodisias". The Classical Quarterly. 53 (1): 292–295. doi:10.1093/cq/53.1.292. JSTOR 3556498.
  10. 10,0 10,1 Ledbetter, Grace (1 Desember 1993). "Achilles' self-address". American Journal of Philology.
  11. Hooker, James (1 Januarie 1989). "Homer, Patroclus, Achilles". Symbolae Osloenses.

BibliografieWysig

  • Plato (1925). Symposium. Plato in Twelve Volumes. 9. Vertaal deur Fowler, Harold N. Cambridge, MA; London, UK: Harvard University Press; William Heinemann Ltd."Aanlyn weergawe". Perseus Digital Library.

SkakelsWysig