Petrus Coetsee
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Petrus Jacobus Coetsee (16 Augustus 1908, Venterstad, Kaapkolonie – onbekend) was regsadviseur en wetsopsteller vir die Kaaplandse Provinsiale Administrasie (KPA).
Coetsee was die seun van P.J. Coetsee. Hy het sy skoolopleiding aan die Hoërskool Colesberg voltooi en daarna aan die Potchefstroomse Universiteitskollege en die Universiteit van Pretoria studeer. Aan Tukkies was hy in 1936 voorsitter van die buitemuurse studenteraad in. Hy het in die justisiekantoor in Pretoria gewerk en daarna in verskeie landdroskantore, onder meer te Grahamstad, Louis Trichardt, Port Elizabeth en Kaapstad. Daarna is hy verplaas na die prokureur-generaal se kantoor in Kaapstad as vakkundige assistent.
Gedurende hierdie tyd het hy reeds regswerk vir die KPA gedoen en in 1949 is hy aangestel as voltydse regsadviseur en wetsopsteller.
Coetsee het in die bestuur van die Tuine-tennisklub gedien en in verskeie ander liggame, soos kultuurverenigings in Port Elizabeth, en ander Afrikanerverenigings. Hy was medeskrywer van die tweede uitgawe van die boek Municipal Law van Dönges en Van Winsen.
Uit sy huwelik op 16 Maart 1946 met Lydia Dulcissima, dogter van J.F. Bartmann, is een seun en twee dogters gebore. Sy liefhebberye was musiek, tuinmaak en houtwerk.
Bron
wysig- (af) (en) Kruger, dr. D.F. 1963. Wie is wie in Suid-Afrika. Johannesburg: Vitae Uitgewers.