Venterstad is 'n dorp op die noordwestelike uithoek van die Oos-Kaap en is naby die Gariepdam geleë. Die dorp is genoem na Johannes Venter.

Venterstad
Die NG kerkgebou op Venterstad
Die NG kerkgebou op Venterstad
Venterstad is in Oos-Kaap
Venterstad
Venterstad
 Venterstad se ligging in Oos-Kaap
Koördinate: 30°46′34″S 25°48′0″O / 30.77611°S 25.80000°O / -30.77611; 25.80000Koördinate: 30°46′34″S 25°48′0″O / 30.77611°S 25.80000°O / -30.77611; 25.80000
LandVlag van Suid-Afrika Suid-Afrika
ProvinsieOos-Kaap
DistrikJoe Gqabi
MunisipaliteitWalter Sisulu
Stigting1875
Regering
 • TipePlaaslike Munisipaliteit
Oppervlak
 • Totaal18,1 km2 (7,0 vk. myl)
Hoogte
1 294 m (4 245 ft)
Bevolking
 (2011)[1]
 • Totaal4 989
 • Digtheid276/km2 (710/vk. myl)
Rasverdeling (2011)
 • Wit mense0.8%
 • Indiërs/Asiërs0.4%
 • Bruin mense33.4%
 • Swart mense64.9%
 • Ander0.5%
Taal (2011)
 • Xhosa 60.3%
 • Afrikaans 34.6%
 • Sotho 2.1%
 • Ander 2.9%
Poskode (strate)
9788
Poskode (posbusse)
9788
Skakelkode051-654-
Die Gereformeerde kerk Venterstad. Die gemeente is in 1875 van die Gereformeerde kerk Burgersdorp afgestig.
Die skool op Venterstad.

Geskiedenis wysig

Die dorp is op 24 Februarie 1875 op die plaas van JJT Venter deur die Gereformeerde Kerk gestig en oorspronklik Ventersburg genoem. Die naam is gou verander om verwarring met Ventersburg in die Vrystaat te vermy, hoewel dit ná die Oos-Kaapse dorp gestig is. Die NG gemeente Venterstad is in 1882 van die NG gemeente Colesberg en die NG gemeente Burgersdorp afgestig nadat die Gereformeerde Kerk in 1878 40 erwe aan die Nederduitse Gereformeerde Kerk geskenk het. Munisipale status is in 1895 toegeken; die Gereformeerde kerk Venterstad was toe steeds die enigste geregistreerde eienaar van die dorp. Beheer het eers in 1930 na die munisipaliteit oorgegaan.

Distrik wysig

Merinoboerdery is die hoofbedryf in die distrik van 2 100 km2. Die bou van die Gariepdam in die 1960's het 'n hupstoot aan die voorspoed van die dorp gegee. Die R58-provinsiale pad gaan deur die dorp.

Besienswaardighede wysig

Die inlaat van die Oranje-Visrivier-tonnel is sowat 8 km noord van die dorp by Oviston. Die Oviston-natuurreservaat is wes van die dorp. Paul Kruger is volgens oorlewering op die plaas Vaalbank, sowat 20 km noordoos van die dorp, gebore.[2]

Sien ook wysig

Verwysings wysig

  1. 1,0 1,1 1,2 1,3 Somtotaal van hoofplekke Venterstad en Nozizwe tydens 2011-Sensus.
  2. Op Pad in Suid-Afrika. B.P.J. Erasmus. 1995 ISBN 1-86842-026-4