Pierneefteater
Die Pierneefteater is geleë in Villieria, Pretoria, op die terrein van die destydse Hoërskool Hendrik Verwoerd, wat in 2019 herdoop is tot Rietondale Secondary School. Dit het in Maart 2003[1] sy eerste opvoering op die planke gebring, en was 'n voortvloeisel van Die Teaterhuisie in Sunnyside, wat deur die akteurspaar Petru Wessels en Carel Trichardt bestuur is.[2] Dit het sedertdien landwyd bekend geraak, en enkele buitelandse kunstenaars het ook al by die teater opgetree.[2]
| ||
| Stad of dorp | Villieria, Pretoria | |
| Land | Suid-Afrika | |
| Geopen | Maart 2003 | |
| Webtuiste | Pierneefteater se webwerf | |
Optredes wysig
Kunstenaars wat al by die teater opgetree het sluit in Sandra Prinsloo, Wilna Snyman, Patrick Mynhardt, Carel Trichardt, Petru Wessels, Marga van Rooy, Mathys Roets, Chris Chameleon, Rina Hugo, Manuel Escorcio, Christa Steyn, Jannie du Toit,[1] Lucas Maree, Jannie Moolman, Anton Goosen, Dozi, Jan Blohm, Jak de Priester en die Radio Kalahari Orkes.[2]
Aanbiedingverskeidenheid wysig
Die teater bied by geleentheid dagkonserte aan met die oog op mense wat nie saans wil uitgaan nie.[2] Jong kunstenaars vind ook hier 'n geleentheid om hulle loopbane af te skop,[2] sodat verskillende jong kunstenaars wat later bekendheid verwerf het, hul eerste optrede hier aangebied het.[3]
Die Pierneefteater lê ook klem op kinderteater.[2][4] Hierdie produksies vind elke vakansie in die oggende, en soms ook op Saterdae buite vakansies plaas. Benewens vermaak vir kinders, is die waarde daarvan om 'n volgende geslag volwasse teatergangers te kweek.
Gemeenskapsbetrokkenheid wysig
Die "Ten Spyte Van / In Spite Of"-projek van die Pierneefteater, in samewerking met Cordis Trust, bied jaarliks 'n week aan waartydens mense met gestremdhede kan deelneem om onder meer op die verhoog te verskyn.[2] Die week het ook fondsinsameling en bewusmaking as doelwitte.
Verwysings wysig
- ↑ 1,0 1,1 Roets, Mathys (25 Maart 2013). "Pierneef vier fees met vol program". Beeld. Besoek op 6 Oktober 2014.
- ↑ 2,0 2,1 2,2 2,3 2,4 2,5 2,6 Esterhuyse, Seugnet (25 Maart 2013). "Teater uit skoolbanke word tien". Beeld. Besoek op 6 Oktober 2014.[dooie skakel]
- ↑ Otto, Aletta (30 Augustus 2013). "Radio speel nou omroeper se eie CD". Beeld. Besoek op 6 Oktober 2014.
- ↑ "Heelwat kinderproduksies in Pierneef". Beeld. 21 September 2013. Besoek op 6 Oktober 2014.[dooie skakel]
Eksterne skakels wysig
- Die Pierneefteater se facebook-blad
Wikimedia Commons het meer media in die kategorie Pierneefteater.
