Radio Kalahari Orkes

Die Radio Kalahari Orkes (soms afgekort RKO) is ‘n Suid-Afrikaanse musiekgroep, wat Afrikaanse Boeremusiek verwerk en op ŉ eksentrieke en unieke wyse weergee met instrumente soos ŉ blikkitaar (ramkie), mondfluitjie, banjo, viool, trekklavier en mandolien.

In 2005 het die joernalis en skrywer, Rian Malan, begin om navorsing te doen oor die 1930 Afrikaner-rebelmusikant, David de Lange, wat Amerikaanse jazzmusiek vertaal het na Afrikaans. Radio Kalahari Orkes se fondasie is geskoei op hierdie navorsing en het verder uitgevloei en het meer genres betrek in hul klank.

Die groep word gelei deur die veteraanakteur en storieverteller, Ian Roberts (sang en kitaar), gevolg deur Alicia van Dyk (sang en trekklavier), Barry Steenkamp (baskitaar), Bradley Cooper (tromme), Friso Woustra (kitaar) en Wynand Davel (viool).

Die skrywers van die lirieke wissel tussen Rian Malan en Ian Roberts. Musiek was nog altyd deel van Roberts se lewe en hy het met Afrika-klanke op sy pa se sitrusplaas in die Oos-Kaap grootgeword, waar hy musiek gemaak het met eenvoudige instrumente saam met plaasmense wat hom aan Afrika-musiek blootgestel het.

Die groep het al 'n hele aantal albums vrygestel: Stoomradio, Die Nagloper, Opgestook, Heuningland en Grootste Treffers. Die Radio Kalahari Orkes speel ook graag verwerkings met ander kunstenaars en het al saam met Chris Chameleon, Valiant Swart en Jack Parow opnames gemaak.

Die lirieke word beïnvloed deur verskeie genres soos Kwêla, Afrikana, Ghoema, asook klanke van regoor die wêreld. Die liedjies vertel stories met humoristiese aspekte en is gebaseer op die lewe in Suid-Afrika.

Diskografie

Hier volg van die albums wat die Radio Kalahari Orkes vrygestel het:

Stoomradio

Kaptein, Kaptein
Hoender is eintlik ŉ vegetable
Renaissance
Crying Shame
Kwagga
Farieda
Die Held
Duiwel van Wyk
Melanie
Onverskrokke
Jol
Reën
Die Storie Van Dawie de Lange
Boomstraat se Nooiens
Die Nagloper
Skeeloog Daisy
Suikerbossie
Treur Baba Treur
Maak ŉ Doppie
Susannah
Willie die Fluitspeler se Vastrap
Ons land
Ek wil terug na die plaas
Die Kalfie Waltz
Waar is Betty?

Heuningland (2010)

Staan My By, saam met Chris Chameleon
Jolie Jarie, saam met Valiant Swart
Blaas jou Vuvuzela, saam met Jack Parow
Transboer
Spaanspek
Heuningland, saam met Manie Bodenstein
As Die Kar Nog Daar Is, saam met Frank Opperman
Byleveld
Son, saam met Jim Neversink
Blink Ster, saam met Christine Roberts
Lobola
Kruise
Nissan Bakkies, saam met Michael Canfield
Whakka Doef Doef, saam met Valiant Swart

Die Radio Kalahari Orkes – Grootste Treffers (2011)

Kaptein
Jolie Marie
Duiwel van Wyk
Renaissance
Transboer
Skeeloog Daisy
Reën
Kwagga
Elvis
Die Held
Heuningland
Blaas Jou Vuvuzela
Blink Ster
Staan My By

Bronnelys

Eksterne Skakels

https://www.radiokalahariorkes.co.za/