Posseëls en posgeskiedenis van Betsjoeanaland

Die eerste Betsjoeanaland Protektoraat posseëls wat in gebruik geneem is, was in 1888 met "Protectorate"  oorgedrukte seëls van Betsjoeanaland (sommige oorgedruk op Britse seëls en 'n paar spesifiek uitgereik vir die kolonie). In 1889 is 'n ½ -pennieseël van die Kaap die Goeie Hoop oorgedruk as "Bechuanaland / Protectorate".

1897 oordruk.

6-pennieseel van 1938, wat gebruik is in 1943 op Gaberone's Village, die latere Gaborone.

Die 1953-kroning is gedenk.

Van 1897 tot 1925 is vele meer Britse seëls oordruk met die protektoraat se naam in verskillende uitlegte. In 1910 is 'n 6-pennieseël van Transvaal ook oordruk; maar al was dit bedoel vir fiskale gebruik, is posgebruik ook bekend.

George V

Die eerste seëls met die amptelike inskripsie "Bechuanaland Protectorate" het in 1932 verskyn. Die 12 waardes, wat gewissel het van ½d tot 10 sjielings, het almal dieselfde ontwerp gebruik; 'n groep beeste langs 'n kremetartboom, daarbo 'n portret van Koning George V. Die gewone Silwer Jubileum-uitgawe het in 1935 verskyn.

George VI

'n Kroningsuitgawe verskyn in 1937 en 'n vastereeks in 1938 met die portet van Koning George VI, wat sy vader vervang het op die 1932-reeks.

Die protektoraat se Vredesuitgawe van 1945 is vervaardig deur die oordruk van "Bechuanaland" op Suid-Afrikaanse Vredeseëls. Seëls is ook uitgereik vir die Koninklike besoek van 1947, en vir die gewone omnibusstelle van die tydperk.

Standaard Statebond omnibusuitgifte verskyn tot onafhanklikheid, saam met 'n uitgif op 1 Junie 1966 ter herdenking van die 25ste jaar van die "Bechuanaland Pioneers and Gunners".

Vanaf 30 September 1966 word die Protektoraat die Republiek van Botswana en seëls van daardie tyd was gemerk as "Botswana".

Eksterne skakels

• Wikimedia Commons het meer media in die kategorie Posseëls en posgeskiedenis van Betsjoeanaland.

Hierdie artikel is in sy geheel of gedeeltelik vanuit die Engelse Wikipedia vertaal.