Postgenderisme
Postgenderisme is 'n sosiale, politieke en kulturele beweging wat fokus op die vervaging van die kulturele, sielkundige en sosiale rol van die binêre (tweeledige) geslagstelsel.[1][2] As 'n sosiale beweging begin postgenderisme by die argument dat die vervaging van klassieke gendervoorskrifte en geslagsrolle bevrydend is en streef dit daarna om geslagsverdelings iets van die verlede te maak.[1][2]
Ondersteuners van postgenderisme is van mening dat dit 'n arbitrêre en onnodige beperking op menslike potensiaal plaas. Hulle voorsien die wegdoening van onvrywillige sielkundige rolverdelings in die menslike spesie deur die toepassings van biotegnologie, neurotegnologie en reproduktiewe medisyne.[1]
Voorstanders van die beweging meen genderrolle en sosiale laagvorming is gewoonlik tot die nadeel van individue en die gemeenskap. In die lig van die radikale potensiaal vir gevorderde bystandsopsies vir voortplanting, voel hulle seks vir die doel van voortplanting sal óf uitgedien raak óf dat alle postgender mense die vermoë sal hê om, as hulle wil, 'n swangerskap tot aan die einde deur te voer én om iemand swanger te maak. Hulle glo genderrolle sal geen nut in so 'n gemeenskap hê nie.[1]
Postgenderisme as 'n kulturele verskynsel het sy wortels in feminisme, maskulisme, androginie, metroseksualiteit en transgenderisme.
Beginsels wysig
Postgenderiste is nie uitsluitlik ten gunste van androginie (waar mense eienskappe van albei geslagte het) nie, hoewel die meeste glo 'n "mengsel" van beide vroulike en manlike eienskappe is verkieslik – dus die skepping van andoginiese individue wat die beste fisieke en sielkundige eienskappe van albei geslagte het. Groot debatte word gevoer oor wat presies dié eienskappe behels.[1]
Postgenderisme is nie net gemoeid met die fisieke geslag of sy veronderstelde eienskappe nie. Dit fokus op die idee om genderidentiteite heeltemal te laat vervaag en dit te verhinder om verder te ontwikkel. In 'n tradisionele situasie is 'n mens óf 'n man óf 'n vrou, maar in postgenderisme sal 'n mens deur jou dade gedefinieer word, en nie jou geslag nie.
Nie alle postgenderiste is ten gunste van die algehele verdwyning van genderrolle nie. Sommige wil net hê daar moenie so 'n groot klem daarop geplaas word nie. Dan kan mense hulle met 'n gender vereenselwig as hulle dit verkies, maar dit sal nie verpligtend wees nie, en genderrolle sal geen invloed hê op hoe mense in die gemeenskap behandel word nie.
Seksualiteit wysig
Volgens postgenderiste sal 'n genderlose samelewing nie beteken mense sal nie meer in seks of menslike seksualiteit belangstel nie. Dit is te verwagte dat seksuele verhoudings en interpersoonlike intimiteit kan en sal bestaan. Daar is egter 'n werklike kans dat hierdie aktiwiteite 'n ander vorm kan aanneem.[1]
Die teorie vergroot die verhouding tussen gender en tegnologie, soos laasgenoemde se rol in die afbreek van die konvensionele genderorde.[3] Postgenderisme het egter niks regstreeks met fisieke seks of seksualiteit te doen nie. Dit sal na verwagting bloot 'n meer gelyke stelsel skep waarin individue geklassifiseer sal word volgens eienskappe soos ouderdom, talente en belangstellings, eerder as gender.[3]
Invloedryke werke wysig
Shulamith Firestone se The Dialectic of Sex (1979), Donna Haraway se essay "A Cyborg Manifesto: Science, Technology, and Socialist-Feminism in the Late Twentieth Century" (2008) en Simians se Cyborgs, and Women: The Reinvention of Nature (2012) is belangrike werke wat gehelp het om postgenderisme te vorm.
In The Dialectic of Sex het Firestone oor geslag geskryf: Die voortplanting van spesies deur een geslag tot voordeel van albei geslagte, sou vervang word deur (ten minste die moontlikheid van) kunsmatige voortplanting. Kinders sou gelyk in albei geslagte of onafhanklik van hulle gebore word. Die kind se afhanklikheid van die moeder (en omgekeerd) sou vervang word deur baie beperkte afhanklikheid van ander.[4]
Verwysings wysig
- ↑ 1,0 1,1 1,2 1,3 1,4 1,5 George Dvorsky (2008). "Postgenderism: Beyond the Gender Binary". Besoek op 13 April 2008.
{{cite journal}}: Cite journal requires|journal=(hulp) - ↑ 2,0 2,1 Oliffe-Lorraine (2012). "Designing and Conducting Gender, Sex, and Health Research". Besoek op 20 Augustus 2018.
{{cite journal}}: Cite journal requires|journal=(hulp) - ↑ 3,0 3,1 Oliffe, John; Greaves, Lorraine (2011). Designing and Conducting Gender, Sex, and Health Research. Los Angeles, CA: SAGE. p. 30. ISBN 9781412982436.
- ↑ The Dialectic of Sex, publ. The Women's Press, 1979. Hoofstuk 1
Bronne wysig
- (en) Haraway, Dona. A Cyborg Manifesto: Science, Technology, and Socialist-Feminism in the Late Twentieth Century Geargiveer 14 Februarie 2012 op Wayback Machine. Simians, Cyborgs and Women: The Reinvention of Nature (New York; Routledge, 1991).
- (en) Schaub, Joseph Christopher. Presenting the Cyborg's Futurist Past: An Analysis of Dziga Vertov's Kino-Eye. Department of Comparative Literature, University of Maryland
- (en) Galántai, Zoltán. Proposal for the Declaration of Intelligent Beings' Rights. Technical University of Budapest
Skakel wysig
Hierdie artikel is in sy geheel of gedeeltelik uit die Engelse Wikipedia vertaal.
