Seksualiteit
Menslike seksualiteit is die manier waarop mense hulle seksueel uitdruk.[1][2] Dit sluit biologiese, erotiese, fisieke, emosionele, sosiale en spirituele gevoelens en gedrag in.[3][4] Omdat dit ’n breë term is waarvan die betekenis van tyd tot tyd wissel, is daar nie ’n presiese definisie nie.[4]
Aspekte
wysigDie biologiese en fisieke aspekte van seksualiteit omvat hoofsaaklik menslike voortplantingsfunksies, insluitende die menslike seksueleresponssiklus.[3][4] Iemand se seksuele oriëntasie is hulle patroon van seksuele belangstelling in die ander of dieselfde geslag.[5]
Fisieke en emosionele aspekte van seksualiteit sluit in verbintenisse tussen individue wat uitgedruk word deur gevoelens van liefde, vertroue en sorg. Seksualiteit beïnvloed ook en word beïnvloed deur kulturele, politieke, regs-, filosofiese morele, etiese en godsdienstige aspekte van die lewe.[3][4]
Belangstelling in seksuele aktiwiteit neem gewoonlik toe wanneer ’n persoon puberteit bereik.[6] Hoewel geen enkele teorie oor die oorsaak van seksuele oriëntasie al wye ondersteuning gekry het nie, is daar aansienlik meer bewyse van niesosiale oorsake as van sosiale oorsake, veral onder mans.[7]
Evolusionêre perspektiewe oor seks, voortplanting en voortplantingstrategieë asook die sosialeleerteorie verskaf verdere opinies oor seksualiteit.[8] Sosiaalkulturele aspekte van seksualiteit sluit in historiese ontwikkelings en godsdienstige oortuigings. Sommige kulture word beskryf as seksueel onderdrukkend. Die studie van seksualiteit sluit ook in menslike identiteit binne sosiale groepe, seksueel oordraagbare infeksies en geboortebeperkingsmetodes.
Verwysings
wysig- ↑ Sex and Society, Volume 2. Marshall Cavendish. 2010. p. 384. ISBN 978-0-7614-7907-9. Besoek op 21 Junie 2017.
- ↑ Joan Ferrante (2014). Sociology: A Global Perspective. Cengage Learning. p. 207. ISBN 978-1-285-74646-3. Besoek op 21 Junie 2017.
- ↑ 3,0 3,1 3,2 Greenberg, Jerrold S.; Bruess, Clint E.; Oswalt, Sara B. (2016). Exploring the Dimensions of Human Sexuality. Jones & Bartlett Publishers. pp. 4–10. ISBN 978-1-284-08154-1. Besoek op 21 Junie 2017.
- ↑ 4,0 4,1 4,2 4,3 Bolin, Anne; Whelehan, Patricia (2009). Human Sexuality: Biological, Psychological, and Cultural Perspectives. Taylor & Francis. pp. 32–42. ISBN 978-0-7890-2671-2. Besoek op 21 Junie 2017.
- ↑ "Sexual orientation, homosexuality and bisexuality". American Psychological Association. Geargiveer vanaf die oorspronklike op 8 Augustus 2013. Besoek op 10 Augustus 2013.
- ↑ Carlson, Neil R. en C. Donald Heth. "Psychology: the Science of Behaviour." 4de uitg. Toronto: Pearson Canada Inc., 2007. 684.
- ↑ Bailey, J. Michael; Vasey, Paul; Diamond, Lisa; Breedlove, S. Marc; Vilain, Eric; Epprecht, Marc (2016). "Sexual Orientation, Controversy, and Science". Psychological Science in the Public Interest. 17 (2): 45–101. doi:10.1177/1529100616637616. PMID 27113562.
- ↑ Sexual Strategies Theory: An Evolutionary Perspective on Human Mating deur David M. Buss en David P. Schmitt
Eksterne skakels
wysig
Wikimedia Commons het meer media in die kategorie Seksualiteit.
Hierdie artikel is vertaal uit die Engelse Wikipedia
