Pous Herakles van Alexandrië
Pous Herakles (Grieks: Ἡρακλῆς) ook bekend as Theoklas was die 13de pous en patriarg van Alexandrië vanaf 232 n.C. tot die jaar 248.
| Herakles van Alexandrië | ||||
| ||||
| Sint Herakles (Theokles) | ||||
| Indeling | Patriarg | |||
| Kerk | Kerk in Alexandrië | |||
| Setel | Setel in Alexandrië | |||
| Termyn | 232 - 17 Desember 248 | |||
| Kerkampte | ||||
| Voorganger | Demetrius | |||
| Opvolger | Dionisius | |||
| Persoonlike besonderhede | ||||
| Geboorteplek | Egipte | |||
| Oorlede | 17 Desember 248 | |||
| Sterfteplek | Egipte | |||
| Nasionaliteit | Egiptenaar | |||
| Feesdag | 17 Desember (8 Koiak in die Koptiese kalender) | |||
| ||||
Herakles van Alexandrië is gebore uit heidense ouers wat Christene geword het en na sy geboorte gedoop is. Hulle het hom Griekse filosofie, toe Christelike leerstellings, geleer. Hy het ook die vier evangelies en die sendingsbriewe bestudeer. Demetrius, 12de Patriarg van Alexandrië, het hom tot diaken georden, toe 'n priester oor die kerk van Alexandrië. Hy was suksesvol in die bediening en was getrou in alles wat aan hom toevertrou is. Hy het Origenes gevolg as hoof van die Kategetiese Skool van Alexandrië.
Toe Demetrius gesterf het, is Herakles as patriarg gekies. Hy het baie heidene bekeer en hulle gedoop. Hy het sy pogings aan onderrig en prediking gewy. Hy het aan Sint Dionisius die werk opgedra om tussen die gelowiges te oordeel, en om hulle sake te versorg. Herakles het 16 jaar lank tot sy dood op die troon van Sint Markus gesit.
Hy was die eerste patriarg van Alexandrië waarna verwys is as "pous" (in Grieks, Papás), 'n term, oorspronklik 'n aanspreekvorm wat 'vader' beteken, wat deur verskeie biskoppe gebruik is. Die eerste bekende rekord van hierdie benaming wat aan Herakles toegeken is, is in 'n brief wat deur die biskop van Rome, Dionisius, aan die biskop Filemon geskryf is:
τοῦτον ἐγὼ τὸν κανόνα καὶ τὸν τύπον παρὰ τοῦ μακαρίου πάπα (Papás) ἡμῶν Ἡρακλᾶ παρέλαβον.[1]
[Ek het hierdie reël en verordening van ons geseënde vader (Pous), Herakles, ontvang]
Verwysings
wysigBronnelys
wysig- (en) St. Heraclas (Theoclas), 13th Pope of Alexandria.
- (en) Meinardus, Otto F.A. (2002). Two Thousand Years of Coptic Christianity. American University in Cairo Press. ISBN 978-977-424-757-6.
- (en) Atiya, Aziz S. The Coptic Encyclopedia. New York: Macmillan Publishing Co., 1991. ISBN 0-02-897025-X
Eksterne skakels
wysig- (en) Die Amptelike webwerf van die Kopties-Ortodokse Pous van Alexandrië en Patriarg van die hele Afrika op die Heilige Setel van Sint Markus die Apostel
- (fr) Koptiese dokumente in Frans
| Religieuse titels | ||
|---|---|---|
| Voorafgegaan deur Demetrius |
Patriarg van Alexandrië 232-248 |
Opgevolg deur Dionisius |