Pous Johannes IX

Johannes IX was die 116de pous van die Rooms-Katolieke Kerk.

Pous Johannes IX
Pontifikaat begin Januarie 898
Pontifikaat eindig Januarie 900
Voorganger Theodorus II
Opvolger Benedictus IV
Gebore 840
Tivoli, Italië
Sterf Januarie 900
Rome, Italië
Ander pouse genaamd Johannes

Biografie wysig

Pous Johannes IX is gebore in 840 in Tivoli, Italië die seun van Rampoald. Voor sy verkiesing was Johannes 'n Benediktyner monnik en is tot priester gewy deur Pous Formosus. In Januarie 898 volg hy Pous Theodorus II op deur die invloed van keiser Lambert van Spoleto. Hy regeer tot sy dood in Januarie 900 en word opgevolg deur Pous Benedictus IV. Die naam ‘Johannes’ beteken 'God is genadig'.

Pontifikaat wysig

Gelyktydig met die verkiesing van Pous Johannes IX het die teenstanders van Pous Formosus Teenpous Sergies III verkies, maar hy is gewelddadig verdryf en geëkskommunikeer. Pous Johannes bekragtig die rehabilitasie van Pous Formosus wat reeds deur sy voorganger Pous Theodorus II deurgevoer is. Hy laat die notules van die "kadawersinode" verbrand. Die pous het goeie betrekkinge met keiser Lambert onderhou en hom onvoorwaardelik gesteun tydens die keiser se stryd met Arnolf van Karintië. Om die bande met die keiser te versterk, bepaal hy dat 'n pous slegs ingehuldig kan word in die teenwoordigheid van die keiser of sy gesant. Na Johannes se onverwagse dood in 900 begin die Romeinse adellikes weer onder mekaar baklei.

Bibliografie wysig

  • Duff, Eamon (2001). Saints and Sinners: A History of the Popes, Yale University Press. ISBN 0300091656
  • Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0500017980.

Eksterne skakels wysig

 
Wikisource
Die Engelse Wikisource bevat bronmateriaal oor hierdie onderwerp onder die titel:
  • BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
  • PTA Inskrywing in "Popes through the Ages" deur J. Brusher S.J. (Engels)


Nota wysig

Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.

Opvolging wysig

Voorafgegaan deur
Theodorus II
Pous (Pontifex Maximus)
898900
Opgevolg deur
Benedictus IV