Rasoherina (1814 – 1 April 1868), ook bekend as Rasoherina-Manjaka,[1] was van 1863 tot 1868 koningin van die Koninkryk Madagaskar. Sy het haar man Radama II opgevolg nadat hy vermoedelik vermoor is.

Rasoherina
Koningin van Madagaskar

Regeer 12 Mei 18631 April 1868
Dinastie Hova
Voorganger Radama II
Opvolger Ranavalona II
Gebore 1814, Fokontany van Masombahiny
Oorlede 1 April 1868 (53–54 jaar oud), Amboditsiry
Volle naam Rasoherina-Manjaka
Rabodozanakandriana
Eggenote Raharolahy
Radama II
Rainivoninahitriniony
Rainilaiarivony
Vader Prins Andriantsalamanandriana
Moeder Prinses Rafaramanjaka

Bewind wysig

 
Malgassiese ambassadeurs in Europa, 1863.

Nadat Radama II se ministers sy nuwe, pro-Europese beleide teengestaan en hom na bewering vermoor het, het hulle sy vrou Rasoherina toegelaat om hom op te volg op voorwaarde dat sy ’n kontrak onderteken wat ’n konstitusionele monargie daarstel wat die ware mag in die hande van die eerste minister sou plaas.[2] Nog voorwaardes het ingesluit die beëindiging van tangena (’n tradisionele verhoor deur beproewing) en die monargie se verdediging van godsdiensvryheid. Sy het die troonnaam Rasoherina aangeneem.[3]

Die destydse eerste minister was Rainivoninahitriniony, wat die staatsgreep teen haar man begin het. Hy het ’n paar weke ná haar kroning ’n politieke huwelik met haar aangegaan en het die staatsake ongehinderd beheer. Hy het egter al hoe despotieser geraak en was soms dronk en gewelddadig namate sy mag gegroei het. Hy het koningin Rasoherina glo verskeie kere met ’n mes gedreig.[4] ’n Jaar nadat sy die troon bestyg het, het Rasoherina die eerste minister afgedank en sy jonger broer, Rainilaiarivony, in sy plek aangestel. Sy het ook met hom ’n politieke huwelik aangegaan.[5]

Tydens die bewind van Rasoherina is ambassadeurs na Londen en Parys gestuur en Sondagmarkte is verbied. Die omstrede Lambert-charter wat Radama II onderteken het, is tot ontsteltenis van Frankryk nietig verklaar.[6] Die koningin het ook verdrae met Brittanje en die VSA gesluit

Dood en opvolging wysig

Vier dae ná ’n opstand teen die koningin en eerste minister, op 1 April 1868, is Rasoherina aan disenterie dood. ’n Ander vrou van Radama II, Ramoma,[4] het haar opgevolg as Ranavalona II.[2]

Verwysings wysig

  1. Treaties and Other International Agreements of the United States of America (1776-1949). Deur Charles Irving Bevans
  2. 2,0 2,1 Cousins, William Edward. Madagascar of to-day: A sketch of the island, with chapters on its past. The Religious Tract Society, 1895.
  3. Frédéric Randriamamonjy, Tantaran'i Madagasikara Isam-Paritra (The history of Madagascar by Region), pp. 529 – 534.
  4. 4,0 4,1 De La Vaissière, Camille. Histoire de Madagascar: ses habitants et ses missionnaires, Volume 1. (fr)
  5. Laidler, Keith. Female Caligula: Ranavalona, the Mad Queen of Madagascar.
  6. Ralibera, Daniel. Madagascar et le christianisme. Karthala Editions, 1993. (fr)

Eksterne skakels wysig