Ranavalona II (1829 – 13 Julie 1883) was van 1868 tot 1883 koningin van die Koninkryk Madagaskar. Sy het Rasoherina, haar niggie, opgevolg.[1] Sy word die beste daarvoor onthou dat sy die koninklike hof tydens haar bewind gekersten het.

Ranavalona II
Koningin van Madagaskar

Regeer 2 April 186813 Julie 1883
Dinastie Hova
Voorganger Rasoherina
Opvolger Ranavalona III
Gebore 1829, Fokontany van Masombahiny
Oorlede 13 Julie 1883 (53–54 jaar oud)
Volle naam Ranavalona II (Ranavalo-Manjaka II)
Ramoma
Eggenote Radama II
Rainilaiarivony
Vader Prins Razakaratrimo
Moeder Prinses Rafarasoa Ramasindrazana
Handtekening

Bewind wysig

 
’n Foto van koningin Ranavalona II.

Ranavalona II, ’n vrou van Radama II, het haar niggie koningin Rasoherina, ook ’n vrou van Radama II, opgevolg ná Rasoherina se dood op 1 April 1868. Op 21 Februarie 1869 het sy ’n politieke huwelik met eerste minister Rainilaiarivony aangegaan op ’n seremonie waartydens die hof amptelik tot die Christendom bekeer is.[2] Dié kerstening was ’n poging om groter invloed te kry oor die toenemend magtige Protestantse faksie. Ranavalona het die tradisionele koninklike idole (sampy) in September 1869 in ’n vuur laat verbrand en hulle met die Bybel vervang.[3]

Onder haar bewind het die probleem van ontbossing aandag gekry. Die koningin het die gebruik van stene en ander duursame boumateriaal in Antananarivo goedgekeur – koning Andrianampoinimerina het dit voorheen verbied.[4] Sy het ook die tradisionele afbranding van woude vir landboudoeleindes (tavy) en die bou van huise in woude verbied.[5]

Ranavalona II is in 1883 dood en is in Ambohimanga begrawe.[2] Sy is opgevolg deur Ranavalona III, die laaste monarg van Madagaskar.

Verwysings wysig

  1. Royal Ark
  2. 2,0 2,1 Cousins, William Edward. Madagascar of to-day: A sketch of the island, with chapters on its past. The Religious Tract Society, 1895.
  3. Drapeyron, L. Revue de géographie, Volumes 38–39. C. Delagrave, 1896.
  4. Acquier, Jean-Louis (1997). Architectures de Madagascar (in Frans). Berlyn: Berger-Levrault. ISBN 978-2-7003-1169-3.
  5. Gade, Daniel W. (1996). "Deforestation and its effects in Highland Madagascar". Mountain Research and Development. 16 (2): 101–116. doi:10.2307/3674005. JSTOR 3674005. {{cite journal}}: Ongeldige |ref=harv (hulp)

Eksterne skakels wysig