Raymond Fernand Loewy (* 5 November 1893 in Parys; † 14 Julie 1986 in Monte Carlo, Monaco) was 'n Frans-Amerikaanse nywerheidsontwerper wat naas Hans Ledwinka as uitvinder van die stroomlyn-ontwerp beskou word.

Raymond Loewy
Raymond Loewy in 1950
Gebore
Raymond Fernand Loewy

5 November 1893
Sterf14 Julie 1986 (op 92)
NasionaliteitVlag van Frankryk Frankryk
Vlag van Verenigde State van Amerika Verenigde State
BeroepIndustriële ontwerper
EggenootJean Thompson Bienfait[1] (1931–1945; geskei)
Viola Erickson (1948–1986; sy dood)
KindersLaurence Loewy
Ouer(s)Maximillian Loewy
Marie Labalme
Webwerfhttp://www.raymondloewy.com/

Die omvang en skaal van sy ontwerpe strek oor 'n wye spektrum nywerhede – 'n prestasie wat internasionale erkenning aan Loewy besorg het. So het sy portret op 31 Oktober 1949 op die titelblad van die nuustydskrif Time verskyn.[3] Van die byname, wat aan hom verleen is, was The Man Who Shaped America, die Father of Streamlining en The Father of Industrial Design.[2]

Loewy het die grootste deel van sy loopbaan, wat oor sewe dekades gestrek het, in die Verenigde State deurgebring waar hy onder meer die kentekens van maatskappye soos Shell, Exxon, TWA en BP ontwerp het, asook die Greyhound Sceniccruiser-bus, outomatiese verkoopmasjiene vir Coca-Cola, die verpakking van Lucky Strike-sigarette, Coldspot-yskaste, motors soos die Studebaker Avanti en Champion, en die livrei vir die presidensiële vliegtuig Air Force One.

Loewy was ook betrokke by die ontwerp van talle spoorvervoerontwerpe, waaronder lokomotiewe soos die Pennsylvania Railroad GG1 en S-1, die kleurskema en Eagle- (Arend-)motief vir die eerste gestroomlynde waens van die spoorwegmaatskappy Missouri Pacific Railroad en 'n aantal minder bekende kleurskemas en binneontwerpe vir spoorwaens van ander maatskappye.

Verwysings wysig

  1. (en) Hagley Digital Images Geargiveer 5 November 2013 op Wayback Machine
  2. 2,0 2,1 (en) FastFacts by Raymondloewy.com
  3. (en) Loewy on the cover of Time Geargiveer 21 Augustus 2013 op Wayback Machine (31 Oktober 1949)