Roggeveldberge

Die Roggeveldberge is 'n bergreeks in 'n afgeleë gebied van die Suid-Afrikaanse provinsie Noord-Kaap, wat baie min deur toeriste besoek word. Dit word ook baie min op kaarte van Noord-Kaap of Suid-Afrika aangedui, want dit is nie so bekend nie. Die naam Roggeveld is afgelei van die wilde rog wat vroeër volop in die gebied voorgekom het.

Roggeveldberge
Ligging Noord-Kaap, Suid-Afrika
Hoogte 1 739 meter bo seevlak
Koördinate 31°53′S 19°55′O / 31.883°S 19.917°O / -31.883; 19.917Koördinate: 31°53′S 19°55′O / 31.883°S 19.917°O / -31.883; 19.917
Ligging van Roggeveldberge op 'n kaart (Suid-Afrika)
Roggeveldberge
Roggeveldberge

Die bergreeks lê tussen die dorpe Calvinia, 'n sentrum van die wolbedryf in Suid-Afrika, en Sutherland, die sentrum van die sterrekunde in Afrika en die koudste dorp in die land, oos en noordoos van die Tankwa Karoo Nasionale Park. Die Oubergpas in die Roggeveldberge lê 1 404 meter bo seevlak en die hoogste piek is die Sneeukrans op 1 739 meter. Rondom die Roggeveldberge strek die maanagtige landskap van die Moordenaarskaroo.

Daubenya aurea is 'n bedreigde plantspesie wat slegs op die berg voorkom.

Sien ookWysig