Ron Hickman
Ronald Price Hickman OBE (1932-2011) was 'n Suid-Afrikaans-gebore, Jersey-gebaseerde motorontwerper en uitvinder. Hy het vir beide die Ford-motormaatskappy en Lotus gewerk, waar hy die oorspronklike Lotus Elan, die Lotus Elan +2 en die Lotus Europa ontwerp het. Hy is egter veral bekend vir sy ontwerp van 'n houtwerkbank wat die Black & Decker Workmate genoem word.[1]
Ronald Price Hickman | |
|---|---|
| Gebore | 21 Oktober 1932. |
| Sterf | 17 Februarie 2011 (op 78) St Lawrence, Jersey |
| Nasionaliteit | Suid-Afrikaner |
| Beroep | Uitvinder motorontwerper |
| Bekend vir | Lotus Elan Lotus Europa B&D Workmate |
| Eggenoot | Helen Hickman |
Motorkarontwerp
wysig
In 1954 met sy aankoms in Londen uit Suid-Afrika, was hy aanvanklik in diens van 'n musiekuitgewer, maar het vinnig werk gekry by die Ford Motormaatskappy op Dagenham. Hy het eers as 'n kleimodelleerder gewerk en later het hy gehelp met die stilering van die 105E Ford Anglia.[2]
Hy het Colin Chapman, die bekende ingenieur en stigter van die Lotus motormaatskappy, by 'n motorskou in Earls Court ontmoet. Na drie jaar by Ford het Hickman na Chapman se nuutgestigte maatskappy in Noord-Londen geskuif en as produksie-ingenieur en algemene bestuurder gewerk. Hy het aan die eerste motor wat deur Lotus vervaardig is, die Elite, gewerk. Die motor, wat pragtig gestileer is en 'n uitstekende ritgehalte gehad het, was blykbaar te ingewikkeld om te bou en te swak in die publiek se mening.[2]
Hickman het saam met John Frayling in die ontwerpspan van die Elan gewerk, wat in 1962 in produksie gekom het. Hy het ook die eerste Lotus Europa ontwerp as deel van Lotus se "Ford GT40"-projekbod.[3]
Hy het Lotus in 1967 verlaat en verhuis na Hoddesdon, Hertfordshire, waar hy vir Cunard Line gewerk het op prototipes vir die sitplekke in die Queen Elizabeth 2 en op sy eie uitvinding, die Workmate.
Workmate
wysigHickman se inspirasie vir die Black & Decker Workmate het in 1961 gekom. Hy het 'n duur Sweedse stoel gebruik om op hout te saag en het die stoel se been afgesny. Sy vrou was nie beïndruk nie. Hickman het toe 'n eenvoudige, multifunksionele saagbank uitgedink - 'n kombinasie van 'n saagbank en 'n voubare legeringsraam. Dit het die gebruiker toegelaat om deur hout te saag sonder om die kante van stoele of tafels te gebruik. Hy het toe sy eie ontwerpmaatskappy, Mate Tools, bo 'n skuur in Hoddesdon, opgestel en sy Workmate-ontwerp verder verfyn.[4]
Sy versoek om 'n lisensie vir die produk wat hy ontwikkel het, is verwerp deur verskeie maatskappye, waaronder Stanley Works wat nie 'n groot mark daarvoor kon voorsien nie. Hickman het die Workmate-bankies self aan professionele bouers by handelskoue vertoon tot Black & Decker in 1973 ooreengekom het om dit te begin vervaardig. Hickman het net 3% ontvang op die verkope van die WorkMate maar teen 1981 is 10 miljoen banke verkoop en teen 2011 meer as 100 miljoen. Hickman moes sy patent verskeie kere verdedig teen vervaardigers wat probeer het om die Workmate te kopieer.[1][5][6]
Villa Devereaux
wysigHickman het in 1977 na Jersey getrek, waar hy sy eksentrieke huis Villa Devereaux ontwerp en gebou het. Die gebou is geïnspireer deur huise wat hy in Kalifornië gesien het, maar met die gebruik van materiale wat beskikbaar was in Jersey: leisteen dakwerk en granietmure. Die binnekant van die huis is beskryf as "eklekties" en "70s". Dit sluit 'n kandelaar van perspex en 'n binnenshuise swembad omring deur palm-frond plakpapier. Die sitkamer het stoele wat gemaak is van gedraaide takke, ontwerp deur John Makepeace.
Hickman se uitvindings was ook deel van die huis. Beklede trappe in die sitkamer kan herrangskik word om 'n oprit te vorm sodat 'n trollie op die stoep gerol kan word. Die huis het 'n inligtingspaneel wat gewys het watter deure of vensters oop was en die temperatuur van elke kamer.
In een van die boonste kamers het Hickman 'n groep ou Workmate-prototipes gehou, saam met die Sweedse stoel wat sy inspirasie vir die ontwerp van die Workmate was.[7]
Ander patente
wysigHickman het verskeie ander patente geregistreer, waaronder:
- 'n afstandsposieerbare spieël op 'n verlengde arm (patent 4039818, 2 Augustus 1977);
- 'n voubare leer (patent 4016954 12 April 1977);
- 'n boorgids (patent D243505 1 Maart 1977); en
- 'n verlengingsarm vir 'n skroefdraad (patent D243820 29 Maart 1977).[8]
Hy het ook 'n handwurger ontwerp vir klere wat aan enige plat oppervlak kon koppel en 'n kind se toiletpot wat teenstaan om oor te val.[9]
Persoonlike lewe
wysigHickman is gebore op 21 Oktober 1932 in Greytown, KwaZulu-Natal, Suid-Afrika aan Cyril Price Hickman (a boekhouer) en Helena Alberta Hickman.[10] Na hoërskool het hy as 'n klerk van die hof in Pietermaritzburg gewerk terwyl hy ses jaar lank regs studeer het. Hy was behep met motorvoertuie en aan die voltooiing van sy regsopleiding in 1954 het hy £100 van sy pa geleen en na Londen gereis met die doel om werk in die motorvoertuigbedryf te vind.
Hy het by beide Ford en Lotus gewerk, maar dit was sy eie uitvinding, die Workmate, wat hom toegelaat het om 'n ryk man af te tree van die geld wat Black & Decker hom betaal het van die verkope van die Workmate-bankies.
In 1977 het hy na Saint Brélade, Jersey, verhuis waar hy 'n ontwerpfabriek gehad het en deel van die Jersey-se Oumotorklub was. Hy het nooit sy liefde vir motors verloor nie en sy versameling het 'n Elan Sprint en 'n Cadillac V-16 ingesluit.[11]
Hickman het in 1982 afgetree en in 1994 is hy Kommandeur van die Orde van die Britse Ryk toegeken vir dienste met betrekking tot nywerheidsinnovasie.
Hy is op 78 jaar oud in die hospitaal op die eiland dood, ná 'n vyf-maande lange siekte wat deur 'n ernstige val veroorsaak is.[1]
Na sy dood is meer as 100 motorsketse en konseptekeninge, insluitende die ondersteunende dokumente en foto's, geskenk aan die Nasionale Motor Museum in Beaulieu deur Hickman se weduwee, Helen.[11]
Verwysings
wysig- ↑ 1,0 1,1 1,2 Oates, John (18 Februarie 2011). Inventor of the Workmate dies (Engels). The Register. URL besoek op 4 Februarie 2019.
- ↑ 2,0 2,1 Buckley, Martin (22 Februarie 2011). Ron Hickman obituary (Engels). URL besoek op 4 Februarie 2019.
- ↑ Childs, Martin (13 April 2011). Ron Hickman: Lotus Car Designer and Inventor of the Black & Decker Workmate (Engels). The Independent. URL besoek op 4 Februarie 2019.
- ↑ Staff Reporter (21 Februarie 2011). "Ron Hickman - Telegraph" (in Engels). Telegraph UK. Besoek op 4 Februarie 2019.
- ↑ Hastings, Rob (19 Februarie 2011). Ron Hickman - car designer and creator of Black & Decker Workmate - dies at 78 (Engels). The Independent. URL besoek op 4 Februarie 2019.
- ↑ The Times Obituary (in Engels) p. 92, 19 Februarie 2011.
- ↑ Lutyens, Dominic (11 Mei 2003). Interiors: Dominic Lutyens meets Ron Hickman (Engels). The Guardian. URL besoek op 4 Februarie 2019.
- ↑ Justia Patents: Ronald Price Hickman Inventions, Patents and Patent Applications (Engels). Justia Patents. URL besoek op 4 February 2019.
- ↑ Motorman (17 September 2018). A handling delight (Engels). New Zealand Classic Car. URL besoek op 4 February 2019.
- ↑ Hickman, Andrea G. (3 September 2011). Ronald Price Hickman - OBE (Engels). Geni.com. URL besoek op 4 Februarie 2019.
- ↑ 11,0 11,1 Braithwaite-Smith, Gavin (1 November 2018). Drawings by Lotus designer who invented Black & Decker Workmate donated to museum (Engels). Motoring research. URL besoek op 4 Februarie 2019.