Salisbury

Hierdie artikel handel oor die Engelse katedraalstad. Vir die hoofstad van Zimbabwe, sien gerus Harare, en vir alle ander betekenisse Salisbury (dubbelsinnig).

Salisbury (plaaslik uitgespreek as /ˈsɔːzbri/, sawz-bree) is 'n katedraalstad in die suidooste van die graafskap Wiltshire, in Engeland se suidweste. Dis geleë aan die rand van Salisbury-vlakte (Salisbury Plain) asook die wêreldberoemde neolitiese rotssirkel, Stonehenge. Dis die enigste stad in die graafskap en die graafskap se derde grootste nedersetting naas Swindon en Chippenham. Die bevolking is omtrent 40 302, wat onverwags verminder het van 45 000 in 2006 se sensus. Die stadjie beslaan die grootste deel van 'n gelyknamige distrik en dien ook as sy administratiewe sentrum.

Salisbury
Stad
Die katedraal van Salisbury
Salisbury
Koördinate: 51°04′00″N 1°48′00″W
Land	Verenigde Koninkryk
Land	Engeland
Graafskap	Wiltshire
Bevolking
• Totaal	39 726
Tydsone	UTC+00:00 (MGT)
• Somertyd	UTC+01:00 (BST)
Poskode	SP1, SP2
Skakelkodes	01722

Die stad se katedraal was voorheen 3,6 km (of 2.2 myl) noord hiervandaan geleë te Old Sarum. Die nedersetting het onstaan nadat die katedraal in die jaar 1220 hier begin herbou is en sowaar teen 1258 klaargebou was (niemand weet nou of daar toe basaar gehou was nie). Ewenwel, mense van Old Sarum en nabygeleë Wilton (die graafskap se ou hoofstad) het katedraal se kant toe getrek. Die nuwe dorp het sy stadshandves in 1227 onder die naam Nuwe Sarum ontvang, wat sowaar die amptelike naam tot 2009 gebly het toe die Salisbury City Council (Salisburyse Stadsraad) gestig is.

Vyf riviere vloei hier saam; die Nadder, Ebble, Wylye, and Bourne is vertrakkings van die Hampshire Avon, wat na die suidkus vloei en ter see gaan by Christchurch in Dorset. Salisbury treinstasie bedien die stad en is 'n streekswisselaar op die kruispunt tussen die West of England Main Line (Wesengelandse Hoofspoorlyn) en die Wessex Main Line (Wessexse Hoofspoorlyn).

Stonehenge, 'n Wêrelderfenisplek van die Verenigde Nasies se Opvoedkundige, Wetenskaplike en Kulturele Organisasie, is sowat 13 km (8 myl) noordwes vanaf Salisbury geleë, wat grootliks bydra tot die stad se ekonomie. Die stad self, die huidige katedraal en die katedraal se bouvalle te Old Sarum, lok ook besoekers met kameras en sonhoede.