Sambok
'n Sambok is 'n tipe sweep wat tradisioneel van die huid van renoster, seekoei of kameelperd gemaak is. Moderner weergawes word ook soms van plastiek vervaardig. Die woord is afgelei van die Persiese woord Chabuk, wat sweep beteken.
.jpg)
Die sambok word gebruik om diere aan te jaag. Dit is onder andere deur die Voortrekkers ingespan tydens die Groot Trek om hulle ossewaens voort te dryf.
'n Sambok is ook 'n effektiewe wapen om slange te dood en honde en ander wilde diere te verdryf. Mense dra soms ook sambokke vir selfverdediging. Die Suid-Afrikaanse Polisie het op 'n stadium die sambok gebruik om skarebeheer toe te pas.
