Schwannsel
Schwannselle of selle van Schwann (genoem na die fisioloog Theodor Schwann) is gliaselle wat verbind word met die akson van sommige senuweeselle. Elke sel vorm een segment van ’n miëlienskede, en tussen elke segment is ’n ismus of insnoering van Ranvier. Schwannselle sorg net vir miëlien in die perifere senuweestelsel; in die sentrale senuweestelsel sorg oligodendrosiete daarvoor.
| Schwannsel |
|---|
Die Schwannselle se funksie is om die impulsgeleiding in die akson te versnel. ’n Akson sonder ’n miëlienskede kan ’n impuls teen ’n snelheid van 3 tot 4 m/s gelei, maar een met ’n miëlienskede kan dit teen 120 m/s doen. Dié snelheid kom goed te pas in die perifere senuweestelsel, waar die afstande in die menslike liggaam groot kan wees. ’n Miëlienskede het ook ’n beskermende en ondersteunende funksie in ’n akson.
Die twee tipe van Schwannselle is miëlinerend en nie-miëlinerend.[1]
Verwysings wysig
- ↑ Bhatheja, K; Field, J (2006). "Schwann cells: origins and role in axonal maintenance and regeneration". The International Journal of Biochemistry & Cell Biology. 38 (12): 1995–9. doi:10.1016/j.biocel.2006.05.007. PMID 16807057.
Eksterne skakels wysig
- Diagram at clc.uc.edu
- BUHistology —"Ultrastructure of the Cell: myelinated axon and Schwann cell"
- Cell Centered Database—Schwann cell