Secret Garden

Secret Garden (Afrikaans: Geheime Tuin) is 'n Iers-Noorse musiekgroep. Die groep bestaan uit die Ierse violiste Fionnuala Sherry en die Noorse komponis-pianis Rolf Løvland. Die groep het al meer as 3 miljoen albums verkoop.

Secret Garden
Fionnuala Sherry en Rolf Løvland
Agtergrondinligting
Oorsprong	Noorweë en Ierland
Genres	New Age, Neo-klassiek, Kelties, Nordiese volksmusiek
Jare aktief	1995 – hede
Webwerf	secretgarden.no
Lede	Fionnuala Sherry, Rolf Løvland

In 1995 het hulle die Eurovisie-sangfees in Dublin gewen met hul liedjie Nocturne. Omdat Fionnuala Iers is en Ierland ook die sangfees in 1996 gewen het, beteken dit dat die land 5 jaar in 'n ry die sangfeeswenner gelewer het. Nocturne was vir die grootste gedeelte instrumenteel — dit bevat slegs 24 Noorse woorde. Swede het later hieroor gekla en gevolglik is die reëls verander sodat daar in die toekoms nie met só min woorde opgetree sal kan word nie. Op die sangfees is die groep deur die Noorse sangeres Gunnhild Tvinnereim bygestaan, wat andersins geensins met die groep geassosieer word nie. Løvland het in 1985 ook die eerste Noorse wenlied, La Det Swinge, gekomponeer.

Hul eerste album was 'n groot sukses en daar is meer as een miljoen kopieë verkoop. Dit het platinumstatus in Noorweë en Suid-Korea behaal, en goud in Ierland, Hong Kong en Nieu-Seeland.

Hul bekendste lied is You Raise Me Up, wat deur Brian Kennedy vertolk is en deur verskeie ander kunstenaars gecover is, waaronder Westlife en Josh Groban.

Diskografie

Albums

• Songs from a Secret Garden (1996)
• White stones (1997)
• Fairytales (1998)
• Dawn of a New Century (1999)
• Dreamcatcher (2001)
• Once in a Red Moon (2002)
• Dreamcatcher: Best Of (2004, Australië)
• Earthsongs' (2005)
• Inside I'm Singing (2007)
• Winter Poem (2011)
• Just the Two of Us (2013)
• Storyteller (2019)

Enkelsnitte

Enkelsnitte met trefferlysnotering in die Top 40
Titel	Datum van vrystelling	Datum van intrede	Hoogste  posisie	Aantal  weke	Opmerkings
Nocturne	1995	22-7-1995	13	4