Sentrale Volksmonumentekomitee
Die Sentrale Volksmonumentekomitee (SVK) was 'n komitee wat op 4 April 1931 in Bloemfontein op die been gebring is. Sy hoofdoel was om 'n nasionale gedenkteken vir die Voortrekker-eeufees in 1938 op te rig en hom vir die oprigting van ander volksmonumente te beywer. Die komitee was vir die oprigting van verskeie monumente in Suid-Afrika verantwoordelik, onder meer die Voortrekkermonument in Pretoria en die Bloedriviermonument naby Newcastle.[1]
Die SVK se eerste taak was die oprigting van die Voortrekkermonument in Pretoria. Die hoogtepunte van sy werksaamhede was: die onthulling van die Bloedriviermonument (16 Desember 1947), die inwyding van die Voortrekkermonument in Pretoria (16 Desember 1949), die onthulling van die Voortrekkermonument in Pietermaritzburg (6 April 1962) en die onthulling van die Voortrekkermonument by Winburg (10 Oktober 1968).
Die SVK het op 21 November 1968 ontbind.[2]
Verwysings wysig
- ↑ Ferreira, O.J.O., Die geskiedenis van die Sentrale Volksmonumentekomitee, Universiteit van Pretoria, 2012.
- ↑ Vandag in die ou dae Geargiveer 19 November 2015 op Wayback Machine, Beeld, 21 November 1991
