Shapley-superswerm
Die Shapley-superswerm of Shapley-konsentrasie (SCl 124) is die grootste versameling sterrestelsels in ons nabye heelal (tot 700 miljoen ligjare van die Aarde af). Dit word deur die swaartekrag van sy sterrestelsels bymekaargehou in plaas daarvan om saam met die heelal uit te dy. Dit kom voor as ’n duidelike konsentrasie van sterrestelsels in die sterrebeeld Sentour en is 650 miljoen ligjare van die Aarde af (z=0,046).
| Shapley-superswerm | |
|---|---|
| Sterrebeeld | Sentour |
| Regte klimming | 13h 25m[1] |
| Deklinasie | -30º 0' 0"[2] |
| Afstand | 200 miljoen parsek (625 miljoen ligjare) |
| Ander name | Shapley-konsentrasie, SCl 124 |
Daar is deesdae hernude belangstelling in die Shapley-superswerm omdat dit baie naby lê aan die rigting waarin die Plaaslike Groep sterrestelsels (insluitende ons Melkweg) beweeg teen ’n snelheid van sowat 600 km/s. Dit laat baie sterrekundiges vermoed dat dit een van die hoofredes is vir ons sterrestelsel se vreemde beweging – die Groot Aantrekker is dalk ’n ander rede.
Die superswerm is genoem na die Amerikaanse sterrekundige Harlow Shapley.
Verwysings
wysig
Hierdie artikel is vertaal uit die Engelse Wikipedia
Eksterne skakels
wysig- An atlas of the Universe
- The Shapley Concentration Geargiveer 26 Maart 2007 op Wayback Machine