Siret
Die Siret (Oekraïens: Сірет of Серет; Roemeens: Siret, [siˈret], Hongaars: Szeret, Russies: Сирет) is 'n groot suid-vloeiende rivier in Oos-Europa. Die rivier, met 'n lengte van 647 km, vorm die vyfde grootste sytak van die Donau na die Tisza, Sava, Proet en Drava.
| Siret | |
|---|---|
 | |
 Die stroomgebied van die Siret. | |
| Oorsprong | Samevloeiing van Barsuky en Zwarasj, Boekowina, Tsjerniftsi-oblast, Oekraïne Karpate |
| Monding | naby Galați, Roemenië Donau |
| Stroomgebied | Oekraïne, Roemenië |
| Lengte | 647 km (402 myl)[1] |
| Gemiddelde afloop | 250 m³/s (8 800 vt/s³)[1] |
| Stroomgebiedopp. | 44 811 km² (17 302 myl²)[1] |
Die Siret ontstaan deur die saamvloei van Barsuky en Zwarasj in die Boekowina, Tsjerniftsi-oblast, Oekraïne, in die Karpate, net noord van die grens tot Roemenië. Aansluitend maak die rivier 'n skerp boog in 'n noordelike rigting, voordat hy in 'n suidoostelike rigting begin vloei en Roemenië bereik. Hier vloei die Siret vir 559 km[2] regstreeks deur die historiese gebied Moldawië, parallel tot die Proet verder oos met die Karpate in die weste. Aansluitend vloei die rivier meer in 'n oostelike rigting en vorm die noordoostelike grens van die historiese gebied Walachye. Na 'n verdere 416 km mond die Siret naby Galați in die Donau uit, net wes van die Proet se monding in die Donau.
Geskiedenis wysig
In antieke tye is die Siret in Latyn Hierasus en in Antieke Grieks Ιερασός genoem.
Verwysings wysig
- ↑ 1,0 1,1 1,2 (ro) Planul de management al spațiului hidrografic Siret Geargiveer 7 Augustus 2019 op Wayback Machine, Administrația Națională Apele Române
- ↑ (en) Dăscălița, Dan (2011). "Integrated water monitoring system applied by Siret river basin administration from Romania" (PDF). Present Environment and Sustainable Development. 5 (2): 45–60. Besoek op 10 Maart 2019.
Eksterne skakels wysig
Wikimedia Commons het meer media in die kategorie Siret.- (en) "Siret River". Encyclopædia Britannica. Besoek op 10 Maart 2019.
