Maak hoofkeuseskerm oop

Die Sava (Sloweens: [ˈsàːʋa]; Serwo-Kroaties: [sǎːʋa]; Serwiese Cyrillies: Сава) is 'n groot oos-vloeiende rivier in suidelike Sentraal-Europa. Die rivier, met 'n lengte van 990 km, vorm die tweede grootste sytak van die Donau na die Tisza (volgens sy gemiddelde afloop van 1 609 m³/s is die Sava die waterrykste takrivier). Die Sava vorm die noordelike grens van die Balkanskiereiland en die suidelike grens van die Pannoniese Laagvlakte. Die Sava vloei deur drie nasionale hoofstede: die Sloweense Ljubljana, die Kroatiese Zagreb en die Serwiese Belgrado. Altesaam leef meer as ag miljoen mense in die Sava-bekken, veral Bosniërs, Kroate, Serwiërs en Slowene. Die Sava-bekken word in die suide deur die Dinariese Alpe begrens.

Sava
Die Sava in Belgrado, Serwië.
Die Sava in Belgrado, Serwië.
Savarivermap.png
Die stroomgebied van die Sava.
Oorsprong Samevloeiing van Sava Bohinjka en Sava Dolinka naby Radovljica, Slowenië
Alpe
Monding Belgrado, Serwië
Donau
Stroomgebied Slowenië, Kroasië, Bosnië en Herzegowina, Serwië
Lengte 990 km (620 myl)[1]
Oorspronghoogte 833 m (2 733 voet)
Mondinghoogte 68 m (223 voet)
Gemiddelde afloop 1 609 m³/s (56 800 vt/s³)
Stroomgebiedopp. 97 713,2 km² (37 727,3 myl²)[1]
Kaart van die Sava-bekken in Europa.
Kaart van die Sava-bekken in Europa.
Die Sava in Zagreb, Kroasië
Die Sava in Slavonski Brod, Kroasië. Bosnië en Herzegowina is oorkant dié rivier

Die Sava ontstaan deur die saamvloei van Sava Bohinjka en Sava Dolinka naby Radovljica, Slowenië, in die Alpe, net suid van die grens tot Oostenryk. Aansluitend vloei die Sava in 'n suidoostelike rigting en bereik die Sloweense hoofstad Ljubljana. Vanaf hier vloei die rivier verder in 'n suidoostelike rigting en bereik Kroasië. Net agter die grens vloei die Sava deur die Kroatiese hoofstad Zagreb. Die rivier gaan voort met sy suidoostelike rigting en vorm later vir 'n lang stuk die noordelike grens van Bosnië en Herzegowina met Kroasië. Verder oos vorm die Sava vir 'n kort stukkie die grens tussen Serwië en Bosnië en Herzegowina, voordat hy in 'n oostelike rigting vloei en in die Serwiese hoofstad Belgrado in die Donau uitmond.

GeskiedenisWysig

In antieke tye is die Sava Savus genoem. Die naam is dalk afgelei van die Proto-Indo-Europese wortel *sewh1 ("om vloeistof te neem") en die agtervoegsel *eh2, sodat dit letterlik "wat [die grond] besproei" beteken.[2]

VerwysingsWysig

  1. 1,0 1,1 (en) "Sava River Basin Analysis Report" (PDF, 9.98 MB). International Sava River Basin Commission. September 2009. p. 13. Besoek op 27 April 2019. 
  2. (de) Udolph, Jürgen (28 Maart 2007). “Alteuropa in Kroatien: der Name der Sava/Save”. Folia onomastica Croatica (12/13). Besoek op 27 April 2019.

Eksterne skakelsWysig