Slag van Stormberg

Die Slag van Stormberg het op 10 Desember 1899 plaasgevind by die Stormberg spooraansluiting, 20 km noordwes van Molteno in die Oos-Kaap. Die slag was die eerste nederlaag vir die Britte in die sogenaamde Swart week. Gedurende die nag van 9 Desember het generaal-majoor sir William Gatacre en sy Brigade die Boeremagte, onder leiding van generaal J.H. Olivier, aangeval wat in die heuwels ingegrawe was. Die geveg was hard en beslissend. Gatacre het na Molteno teruggeval en 90 dooies en 634 gevangenes agtergelaat. Een van die slagoffers was Raymond de Montmorency VC, bevelvoerder van die Montmorency Scouts.

Slag van Stormberg
Deel van Tweede Vryheidsoorlog
Kaart van die slagveld (Boere – swart en wit blokkies; Britte – blokkies met kruise).
Datum 10 Desember 1899 Ligging Stormberg Resultaat Boerse oorwinning
Strydende partye
Verenigde Koninkryk	Zuid-Afrikaansche Republiek Oranje-Vrystaat
Bevelvoerders
William Forbes Gatacre	Jan Hendrik Olivier
Sterkte
1 800	2 300
Ongevalle
26	klein

Die Stormbergslagveld kort ná die veldslag, afgeneem deur die fotograaf Ambrose Lomax, indertyd van Molteno.

Boerekrygers wat aan die slag deelgeneem het.

'n Aantal inwoners van Burgersdorp het ook in die slag omgekom. Die Burgermonument is opgerig om die slag te gedenk.