Sturgeon-klas duikboot
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die Sturgeon-klas duikboot is 'n kernaangedrewe klas duikbote van die Amerikaanse Vloot wat ontwerp is vir teenduikboot-operasies in die laat 1960's en vroeë 1970's. Daar is 39 duikbote in die klas gebou, wat vir 20 jaar diens gedoen het in die spanningsvolste tye van die Koue Oorlog. Hulle het dieselfde aandrywingstelsel gebruik as die USS Thresher, dus is spoed ingeboet vir 'n meer effektiewe stelsel wat groter aanvalsvermoë bied. Dit was 'n wyse strategie.
_Launch.jpg)
Later is ses van die duikbote aangepas en toegerus met die SEAL Dry Deck Shelter vir spesiale operasies, dus kon persone die duikboot onderwater binnegaan of verlaat. Hierdie fasiliteit is baie gebruik; maar inligting daarvan is uiters skaars.
Die Sturgeon-duikbote is aanvanklik toegerus met Harpoon-missiele en later met die Tommahawk-kruisermissiele asook Mk 48 torpedo's. Die duikplate is aan die toring geheg en kon vertikaal draai wanneer die duikboot deur die ys moes breek in die Arktiese streke. Die laaste tien vervaardig van die klas se romp was 3 m langer om beter werks- en leefspasie vir die bemanning te verseker tydens lang patrollies.
Die Sturgeon-klasduikbote was die eerste keuse vir spesiale operasies tydens die Koue Oorlog. Hulle het min publisiteit gekry vir al die operasies wat uitgevoer is. Na 'n vyf jaar ondersoek is vasgestel dat die Sturgeons se lewensduur verleng kon word van 20 na 30 jaar. Daar word egter na elke saak op meriete gekyk omrede kernbrandstofvervangings duur is en dit goedkoper is om die duikbote uit diens te stel.
Tegniese besonderhede
wysig| Item | Statistiek |
|---|---|
| Verplasing (oppervlak) | 4 183 metrieke ton |
| Verplasing (onderwater) | 4 704 metrieke ton |
| Lengte | 89 m |
| Breedte | 9,75 m |
| Aandrywing | 1 x S5W kernreaktor 2 x stoom turbines van 11,185.5 kW |
| Spoed (oppervlak) | 20,0 knope |
| Spoed (onderwater) | 25,0 knope |
| Bemanning | 110 persone |
| Wapens | 4 x 533 mm torpedobuise Mk 48 torpedo's Harpoonmissiele Mk 57 diepwater seemyne Mk 60 Captor seemyne |
Bron
wysig- The Illustrated Encyclopedia Of Destroyers Frigates & Submarines, Bernard Ireland en John Parker, 2015, ISBN 978-0-85723-601-2