Tedi Papavrami

Tedi Papavrami, (gebore op 13 Mei 1971) is 'n Albanese professionele violis.

Biografie

Papavrami was gebore in Tirana in 1971 en het begin om op die leeftyd van vier jaar die viool te speel. Hy het saam met sy vader studeer, te wete die bekende Professor Robert Papavrami, wat 'n groot rol gespeel het in die artistieke toekoms van sy seun. Teen die ouderdom van agt jaar het die jong Papavrami reeds Pablo de Sarasate se "Arie Bohemienne" saam met die Filharmoniese Orkes van Tirana geïnterpreteer en gespeel, en drie jaar later Niccolò Paganini se eerste vioolconcerto. In September 1982, danksy die fluitspeler Alain Marion, het die Franse regering aan Papavrami 'n beurs gebied ten einde aan die Conservatoire de Paris onder die leiding van Pierre Amoyal te kan speel. In 1985 het hy die Internasionale Rodolfo Lipizer Vioolkompetisie in Gorizia gewen, en in 1986 het hy met 'n eensydige stem die "Eerste Prys" van die Paryse Konservatoria van Parys gewen. In 1987 het hy 'n graad ontvang van die Lausanne Konservatoria. Papavrami het daarna voortgegaan met sy musikale studies onder die leiding van Zino Francescatti en Viktoria Mullova. In 1992 het hy die prys wat deur Sacem "George Enescu" toegeken word en in 1993 die eerste prys en spesiale prys tydens die "Internasionale Kompetisie Sarasate" in Pamplona, gewen.

Bykomend tot sy internasionale loopbaan as violis het Papavrami ook verskyn in Les Liaisons dangereuses (TV minireeks), 'n 2003 Franse rolprent wat vir televisie gemaak is, in die rol van Raphael Danceny, die musikale tutor van Cécile de Volanges (gespeel deur Leelee Sobieski). Hy het ook sedertdien die dood van Jusuf Vrioni die Franse vertaler van Ismail Kadaré se literêre werke geword. Tedi Papavrami het reeds in Europa, Suid-Afrika, Turkye, Japan, Israel, en wat betref orkeste saam met die Simfonieorkes van Bologna, die Bamberger Symphoniker, die Orchestre de Paris en andere gespeel. Hy het onder dirigente soos Kurt Sanderling, C.Hogwood, Antonio Pappano, L.Langree, G.Varga, Z.Macal en Jean-Claude Casadesus gespeel. Tydens the 2000-2001 seisoen het hy saam die Orchestre de Nice, die Orquesta Sinfonica de Galicia, die Orchestre Philharmonique de Liege en andere gespeel. Hy het op verskeie toere in Japan gegaan met die speel van die "24 capricci" van Paganini. Tedi Papavrami speel gereeld saam met kamermusiekvennote soos P.Bianconi, H.Sermet, M.Rubackyte, P.Meyer, E.Lesage, Raphaël Oleg en G.Hoffman.

Diskografie

• Franck & Faure, Sonates pour violin et piano (met Nelson Goerner) 2016
• Prokofiëf, Vioolconcertos Nos. 1 en 2, Sonate vir solo viool saam met die Poolse Nasionale Radio-simfonieorkes onder leiding van Antoni Wit, Naxos
• Paganini 24 caprices (1997 opgeneem by die Theatre des Quatres saisons a Gragignan) CD-(geen etiket word genoem nie)

Eksterne skakels

• Amptelike webblad van Tedi Papavrami Geargiveer 17 September 2019 op Wayback Machine