Sterkbos

Die sterkbos (Terminalia prunioides) is klein, bladwisselende boom of somtyds ook 'n struik wat voorkom in Limpopo en Mpumalanga in Suid-Afrika. Dit is ook inheems in Angola, Botswana, Ethiopië, Kenia, Mosambiek, Namibië, Somalië, Tanzanië, Zambië en Zimbabwe.

Sterkbos
Groeivorm naby Marnitz, Limpopo
Bewaringstatus
Veilig  (IUCN 3.1)
Wetenskaplike klassifikasie
Koninkryk:	Plantae
Divisie:	Tracheophyta
Klas:	Magnoliopsida
Orde:	Myrtales
Familie:	Combretaceae
Genus:	Terminalia
Spesie:	Terminalia prunioides
Binomiale naam
Terminalia prunioides M.A.Lawson, (1871)
Sinonieme
Terminalia benguellensis Welw. ex Hiern Terminalia benguellensis var. ovalis Hiern Terminalia hararensis Engl. Terminalia holstii Engl. Terminalia petersii Engl. Terminalia porphyrocarpa Schinz Terminalia rautanenii Schinz Terminalia somalensis Engl. & Diels

Die boompie kan enkel of meerstammig wees. Dit groei in swak gedreineerde kleigrond of klipperige heuwelhange en word tot 8 m groot. Die bas is bruingrys en ouer bome s'n kan gegroef wees. Gepaarde of enkeldorings kom voor by die basis van die sytakkies. Die blare is enkelvoudig, in spirale aan die punte van die takkies. Massas wit blommetjies kom vanaf Oktober tot Januarie voor; die blommetjies is in are gerangskik. Die saadpeule is papieragtig en is helder pruimrooi.

Die FSA-nommer van die boom is 550.

Galery

• 
  Loof en vrugte
• 
  Bloeiwyse en vrugte
• 
  Vrugte

Sien ook

• Alfabetiese lys van Suid-Afrikaanse bome

Bronne

• Natuurlewe van Suid-Afrika Duncan Butchart Struik Nature 2012 ISBN 978-1-4317-0248-0
• Plants of the World Online
• REDLIST Sanbi

Eksterne skakels

• Wikimedia Commons het meer media in die kategorie Sterkbos.
• Wikispecies het meer inligting verwant aan Sterkbos