Thapelo Amad
Thapelo Amad is 'n Suid-Afrikaanse politikus en imam.[1] Amad is 'n lid van die Johannesburgse stadsraad, en verteenwoordig die Islamitiese Al Jama-ah-party. Op 27 Januarie 2023 is hy met die steun van die African National Congress (ANC) tot tussentydse Burgemeester van die Stad Johannesburg Metropolitaanse Munisipaliteit verkies.[2] Sy verkiesing het hom die eerste Moslem gemaak om as burgemeester van Johannesburg te dien.[3] Hy het op 24 April 2023 as burgermeester bedank voordat 'n mosie van wantroue teen hom ingestel kon word.
Agtergrond
wysigAmad is in Soweto in die huidige Gauteng gebore. Hy beskik oor 'n graad in Islamitiese wetenskappe, 'n NKR Vlak 4-kwalifikasie in entrepreneurskap en 'n NKR Vlak 5-kwalifikasie in geslagsintegrasie in die staatsdiens, wat hy deur die Nasionale Skool vir Regering verwerf het.
Hy is 'n genoot van die ASRI Future Leaders-program. Hy studeer tans vir 'n bevoegdheidsertifikaat deur die South African Local Government Association (SALGA). Hy is ook 'n imam (Moslem-godsdiensleier).[1]
Politieke loopbaan
wysigAmad is 'n stadsraadslid van Johannesburg en die provinsiale voorsitter van Al Jama-ah, 'n party wat poog om sjaria-wetgewing te handhaaf. In Oktober 2022 het hy as lid van die Burgemeesterskomitee (MMK) vir Ontwikkelingsbeplanning gedien in die kortstondige administrasie van die voormalige ANC-burgemeester, Dada Morero.[1]
Burgemeesterskap van Johannesburg
wysigVerkiesing
wysigNadat Mpho Phalatse op 26 Januarie 2023 in 'n mosie van wantroue as burgemeester uitgestem is, het dit aan die lig gekom dat Amad haar waarskynlik sal opvolg, aangesien hy deur die African National Congress (ANC), die grootste party in die raad en sy koalisievennote ondersteun is. Die ANC het in 'n verklaring gesê Amad sal as 'n tussentydse burgemeester dien totdat die party 'n koalisie-ooreenkoms met die Economic Freedom Fighters (EFF), die "besluitnemers" in die raad, finaliseer.[2]
Tydens die raadsvergadering die volgende dag is Amad, Phalatse en ActionSA se Funzi Ngobeni as burgemeester benoem. Amad is met 138 stemme tot burgemeester verkies, vergeleke met Phalatse se 81 stemme en Ngobeni se 46 stemme.[4]
Regeringstyd
wysigOp 2 Februarie 2023 het Amad die lede van sy burgemeesterskomitee aangekondig. Die komitee het bestaan uit vyf ANC-raadslede, en 'n enkele raadslid van elk van die EFF, die African Transformation Movement, en die Patriotic Alliance.[5] Hy het egter op 24 April 2023 as burgermeester bedank.
Verwysings
wysig- ↑ 1,0 1,1 1,2 Masilela, Brenda. "Who is Thapelo Amad, Al Jamah's ANC-backed candidate to become the next Joburg mayor". www.iol.co.za (in Engels). Besoek op 27 Januarie 2023.
- ↑ 2,0 2,1 "Al Jamah's Thapelo Amad touted to be Joburg's new mayor". SABC News (in Engels (VSA)). 27 Januarie 2023. Besoek op 27 Januarie 2023.
- ↑ "Thapelo Amad elected first Muslim mayor of Johannesburg". Al Jazeera (in Engels). 27 Januarie 2023. Besoek op 5 Februarie 2023.
- ↑ Ramushwana, Alpha. "Al Jama-ah's Thapelo Amad is Johannesburg's new mayor". ewn.co.za (in Engels). Besoek op 27 Januarie 2023.
- ↑ Ramushwana, Alpha (2 Februarie 2023). "Joburg Mayor Thapelo Amad announces members of mayoral committee". EWN (in Engels). Besoek op 5 Februarie 2023.