Wikipedia

Titan-onderwatervaartuig-inploffing van 2023

onderwatervaartuig insident in 2023

Op 18 Junie 2023 het die Titan, 'n onderwatervaartuig wat deur OceanGate bedryf was, vermis geraak in internasionale waters in die Noord-Atlantiese Oseaan aan die kus van Newfoundland, Kanada.[1] Die onderwatervaartuig was op 'n toeriste-ekspedisie om die wrak van RMS Titanic te besigtig, met vyf mense aan boord. Kommunikasie met die tuig is verbreek 1 uur en 45 minute na sy duik na die wrakterrein. Die owerhede is in kennis gestel toe dit later daardie dag nie weer op die geskeduleerde tyd verskyn het nie.[2][3] Op 22 Junie, na die ontdekking van 'n wrakveld wat dele van die Titan bevat, ongeveer 488 m van die boeg van die Titanic deur 'n afstandbeheerde onderwatervaartuig, is daar vermoed dat die drukkamer tydens sy duik ingeplof het, wat almal aan boord onmiddellik sou gedood het.[4][5]

Topografiese kaart van die 2023 Titan-onderwatervaartuig-voorval, wat die roete vertoon van die MV Polar Prince wat die Titan na die plek van die wrak van RMS Titanic vervoer het.

Kommer oor die veiligheid van die vaartuig is voorheen geopper.[6] Soek- en reddingspogings is uitgevoer deur 'n internasionale span wat bestaan het uit die Amerikaanse Kuswag, die Amerikaanse Vloot en die Kanadese Kuswag.[7] Vliegtuie van die Kanadese Lugmag en die Amerikaanse Lugmag, 'n Kanadese vlootskip, en verskeie kommersiële en navorsingskepe en afstandbeheerde onderwatertuie het ook met die soektog gehelp.[8][9][10]

Agtergrond

wysig

OceanGate

wysig

OceanGate is 'n privaatmaatskappy wat in 2009 deur Stockton Rush en Guillermo Söhnlein gestig is. Sedert 2010 vervoer dit betalende klante in kommersiële onderwatervaartuie langs die kus van Kalifornië, in die Golf van Meksiko en in die Atlantiese Oseaan.[11]

Rush het besef dat die besoek van skeepswrakterreine 'n manier was om media-aandag te kry, en in 2016 het die maatskappy kliënte vir die eerste keer na 'n skeepswrak vervoer, met hul onderwatervaartuig Cyclops 1 om die Andrea Doria-wrakterrein te besoek. In 2019 het Rush aan die Smithsonian-tydskrif gesê: "Daar is net een wrak wat almal ken...as jy mense vra om iets onder die water te noem, gaan dit haaie, walvisse, Titanic wees."[11]

Titanic

wysig

Die Titanic was 'n Britse vaartuig wat op 15 April 1912 in die Noord-Atlantiese Oseaan gesink het nadat dit met 'n ysberg gebots het. In 1985 is die wrakstukke op die seebodem ongeveer 740 km van die kus van Newfoundland ontdek.[12] Die wrak lê op 'n diepte van ongeveer 3 810 meter.[13]

Sterftes

wysig

Hierdie ramp het tot vyf sterftes gelei:

  • Shahzada Dawood (48), 'n Pakistani-Britse sakeman van die Dawood Hercules Corporation,[14][15] 'n kleinseun van die Pakistanse nyweraar Ahmed Dawood en 'n trustee by die SETI-instituut.[16] Hy was een van die rykste mense in Pakistan.[14]
  • Suleman Dawood (19), die seun van Shahzada Dawood, wat 'n student aan die Universiteit van Strathclyde was.[17] Volgens sy tante Azmeh Dawood was Suleman vreesbevange om op die reis te gaan, maar het dit gedoen om sy pa te behaag.[18]
  • Hamish Harding (58), 'n Britse sakeman, vlieënier en ruimtetoeris.[19][20] Hy het voorheen in die Marianatrog neergedaal, die Guinness-wêreldrekord vir die vinnigste omseiling van die aarde gebreek,[21] en in 2022 op Blue Origin NS-21 die ruimte ingevlieg.
  • Paul-Henri Nargeolet (77), 'n voormalige Franse vlootbevelvoerder, duiker, dompelbootloods, lid van die Franse Instituut vir Navorsing en Ontginning van die See,[22][20] en direkteur van onderwaternavorsing vir E/M Group en RMS Titanic, Inc.,[23] wat bergingsregte op die wrakterrein besit.[24] Nargeolet het meer as 35 ekspedisies na die wrak gelei, [25] toesig gehou oor die herwinning van duisende artefakte, en is wyd beskou as "die voorste gesag op die wrakterrein".[23]
  • Stockton Rush (61), 'n Amerikaanse dompelbootloods, ingenieur en sakeman. Hy was die uitvoerende hoof en medestigter van OceanGate.[26]

Verwysings

wysig
  1. ↑ Kelly, Mary Louise; Acovino, Vincent; Ermyas, Tinbete (20 Junie 2023). "A former passenger details what it's like inside the missing Titan submersible". NPR. Geargiveer vanaf die oorspronklike op 21 Junie 2023. Besoek op 21 Junie 2023.
  2. ↑ Evans, Gareth; Gozzi, Laura (19 Junie 2023). "Titanic tourist submersible goes missing with search under way" (in Engels (VK)). BBC News. Geargiveer vanaf die oorspronklike op 19 Junie 2023. Besoek op 19 Junie 2023.
  3. ↑ Regan, Helen; Yeung, Jessie; Renton, Adam; Said-Moorhouse, Lauren; Upright, Ed; Hayes, Mike; Hammond, Elise; Powell, Tori B.; Vera, Amir (20 Junie 2023). "20 Junie 2023 Missing Titanic sub search news" (in Engels). CNN. Besoek op 21 Junie 2023.
  4. ↑ Amos, Jonathan. "Titanic sub live updates: Crew of Titan sub believed to be dead, says vessel operator". BBC News (in Engels (VK)). Besoek op 22 Junie 2023.
  5. ↑ Patil, Anushka (22 Junie 2023). "The debris found today was "consistent with catastrophic loss of the pressure chamber" in the submersible, Mauger said". The New York Times. Besoek op 22 Junie 2023.
  6. ↑ Bogel-Burroughs, Nicholas; Gross, Jenny; Betts, Anna (20 Junie 2023). "OceanGate Was Warned of Potential for 'Catastrophic' Problems With Titanic Mission". The New York Times (in Engels (VSA)). Geargiveer vanaf die oorspronklike op 21 Junie 2023. Besoek op 21 Junie 2023.
  7. ↑ "Unified Command established for missing submersible from Polar Prince". United States Coast Guard (in Engels (VSA)). 20 Junie 2023. Geargiveer vanaf die oorspronklike op 21 Junie 2023. Besoek op 21 Junie 2023.
  8. ↑ Petri, Alexandra E.; Lin, Summer (19 Junie 2023). "Titanic tourist submersible carrying 5 disappears on trip to see wreck in North Atlantic". Los Angeles Times. Geargiveer vanaf die oorspronklike op 19 Junie 2023. Besoek op 20 Junie 2023.
  9. ↑ Liebermann, Oren; Britzky, Haley (20 Junie 2023). "US military moving military and commercial assets to help submersible search efforts". CNN. Besoek op 20 Junie 2023.
  10. ↑ Cooke, Ryan (20 Junie 2023). "U.S. air force aircraft land in St. John's with gear to aid in search for missing submersible" (in Engels (VK)). CBC News. Besoek op 20 Junie 2023.{{cite news}}: AS1-onderhoud: url-status (link)
  11. ↑ 11,0 11,1 Perrottet, Tony (Junie 2019). "A Deep Dive Into the Plans to Take Tourists to the 'Titanic'". Smithsonian (in Engels). Geargiveer vanaf die oorspronklike op 30 Mei 2019. Besoek op 20 Junie 2023.
  12. ↑ "Submersible used to take tourists to see Titanic wreck goes missing in Atlantic Ocean" (in Engels). Sky News. 19 Junie 2023. Geargiveer vanaf die oorspronklike op 19 Junie 2023. Besoek op 19 Junie 2023.
  13. ↑ Ax, Joseph; O'Brien, Brendan (21 Junie 2023). "Crews searching for Titanic submersible detect sounds – US Coast Guard". Reuters (in Engels). Geargiveer vanaf die oorspronklike op 20 Junie 2023. Besoek op 21 Junie 2023.
  14. ↑ 14,0 14,1 "Know Shahzada Dawood, one of Pakistan's richest men, who is aboard missing Titanic submersible with his son: Here's everything about him". The Financial Express (in Engels). 22 Junie 2023. Besoek op 22 Junie 2023.
  15. ↑ Kottasová, Ivana (20 Junie 2023). "Billionaire explorer and a prominent Pakistani father and son duo are on board the missing sub" (in Engels). CNN. Geargiveer vanaf die oorspronklike op 21 Junie 2023. Besoek op 22 Junie 2023.
  16. ↑ "Rescue teams race to find five people missing on Titanic sub". BBC News. 20 Junie 2023. Geargiveer vanaf die oorspronklike op 19 Junie 2023. Besoek op 20 Junie 2023.
  17. ↑ Rutherford, Nichola (22 Junie 2023). "Teen on stricken Titanic sub is Strathclyde University student". BBC News. Geargiveer vanaf die oorspronklike op 22 Junie 2023. Besoek op 22 Junie 2023.
  18. ↑ "19-year-old Titan passenger was 'terrified' before trip, his aunt says". NBC News. 22 Junie 2023.
  19. ↑ Finley, Ben; Ramer, Holly (20 Junie 2023). "UK billionaire on lost submersible vessel holds 3 Guinness World Records and was 'looking forward to conducting research' at Titanic site". Fortune (in Engels). Geargiveer vanaf die oorspronklike op 21 Junie 2023. Besoek op 22 Junie 2023.
  20. ↑ 20,0 20,1 Enokido-Lineham, Olive (19 Junie 2023). "UK billionaire Hamish Harding on board missing Titanic submersible, family confirms". Sky News. Geargiveer vanaf die oorspronklike op 20 Junie 2023. Besoek op 19 Junie 2023.
  21. ↑ "Fastest circumnavigation via both Poles by aeroplane". Guinness World Records. 11 Julie 2019. Geargiveer vanaf die oorspronklike op 31 Augustus 2021. Besoek op 24 Junie 2023.
  22. ↑ "What we know about the passengers on board missing Titanic submersible" (in Engels). Sky News. 19 Junie 2023. Geargiveer vanaf die oorspronklike op 19 Junie 2023. Besoek op 20 Junie 2023.
  23. ↑ 23,0 23,1 Helmore, Edward; Cecco, Leyland (20 Junie 2023). "Titanic tourist submarine: desperate search for craft missing with five onboard". The Guardian (in Engels (VK)). Geargiveer vanaf die oorspronklike op 19 Junie 2023. Besoek op 20 Junie 2023.
  24. ↑ Hopper, Tristin (19 Junie 2023). "The (incredibly expensive) Titanic tourism industry that just lost a submarine". National Post. Besoek op 20 Junie 2023.
  25. ↑ Breeden, Aurelien (20 Junie 2023). "Paul-Henri Nargeolet Has Made More Than 35 Titanic Site Trips". The New York Times (in Engels (VSA)). ISSN 0362-4331. Geargiveer vanaf die oorspronklike op 22 Junie 2023. Besoek op 22 Junie 2023.
  26. ↑ "Who is on the missing Titanic sub?". Reuters. 20 Junie 2023. Geargiveer vanaf die oorspronklike op 20 Junie 2023. Besoek op 20 Junie 2023.
Ontsluit van "https://af.wikipedia.org/w/index.php?title=Titan-onderwatervaartuig-inploffing_van_2023&oldid=2691370"