Wikipedia

Tsepo Mhlongo

Tsepo Winston Mhlongo is 'n Suid-Afrikaanse politikus. Hy was 'n lid van die Demokratiese Alliansie en het tot 2014 as raadslid vir die Stad Johannesburg gedien, waarna hy tot die Nasionale Vergadering van Suid-Afrika verkies is. Daarna is hy aangestel as skadu-adjunkminister van landelike ontwikkeling en grondhervorming. Mhlongo word in Januarie 2017 die skaduminister van sport en ontspanning voordat hy in Junie 2019 as skaduminister van sport, kuns en kultuur verkies is. In Desember 2023 is hy van die DA geskors en het gevolglik by ActionSA aangesluit.

Tsepo Mhlongo
Tsepo Mhlongo
Mhlongo in 2011.
Die wuiwende hand is dié van Helen Zille.
Skaduminister van Sport, Kuns en Kultuur
Ampstermyn
5 Junie 2019 – 1 Desember 2023
Vise Veronica van Dyk
Voorafgegaan deur Amp geskep
Opgevolg deur Vakant
Skaduminister van Sport en Ontspanning
Ampstermyn
1 Januarie 2017 – 5 Junie 2019
Vise Darren Bergman
Voorafgegaan deur Solly Malatsi
Opgevolg deur Amp geskrap
Ampstermyn
21 Mei 2014 – 1 Desember 2023
Persoonlike besonderhede
Politieke party ActionSA (2023–hede)
Demokratiese Alliansie (2000–2023)
Demokratiese Party (1998–hede)
Alma mater Universiteit van die Witwatersrand

Biografie wysig

Mhlongo was tydens sy matriejaar 'n lid van die studenteraad van Matseliso Sekondêre Skool. Daarna het hy vir 'n BCOM-graad an die Universiteit van Suid-Afrika gestudeer, maar hy kon dit nie voltooi nie weens finansiële beperkings.[1] Mhlongo het toe in 1997 'n gevorderde diploma in bedieningsopleiding by die Faithways Bybelopleidingsentrum gedoen.[1] Hy het in 2007 'n gevorderde sertifikaat in munisipale bestuur aan die Universiteit van Johannesburg behaal.[1] In 2008 het hy 'n kursus oor finansies vir nie-finansiële bestuurders by Wits Besigheidskool voltooi.[1] Mhlongo het in 2010 'n sertifikaatprogram in bestuursontwikkeling oor munisipale finansies by die Wits Besigheidskool voltooi. In 2016 het hy 'n sertifikaat in bestuur en openbare leierskap van die Wits Skool vir Bestuur behaal. Mhlongo is tans besig met 'n nagraadse diploma in bestuur aan die Wits Skool vir Bestuur.[1]

Politieke loopbaan wysig

In 1998 het Mhlongo by die Demokratiese Party-strukture in Soweto aangesluit. Hy het by die Demokratiese Alliansie aangesluit toe dit in 2000 gestig is. Hy is toe as 'n skaduraadslidkandidaat vir die Groter Johannesburg-streek aangestel.[1]

Hy is in 2006 as 'n proporsioneel-verteenwoordigende raadslid van die Stad Johannesburg Metropolitaanse Munisipaliteit verkies.[1] Mhlongo was 'n lid van die DA se Johannesburgse streeks-uitvoerende komitee, die Gautengse provinsiale uitvoerende komitee en die Federale Raad.[1]

Parlementslid wysig

Mhlongo was 'n DA-parlementêre kandidaat in die algemene verkiesing van 8 Mei 2014. Hy het agtiende op die DA se Gauteng-lys verskyn,[2] en is tot die Nasionale Vergadering verkies.[3] Hy is op 21 Mei ingesweer. Op 5 Junie 2014 is hy deur Mmusi Maimane, die DA-parlementêre leier, as skadu-adjunkminister van landelike ontwikkeling en grondhervorming aangestel.[4]

Op 24 November 2016 is Mhlongo gekies om die skaduminister van sport en ontspanning te wees, in die plek van Solly Malatsi. Sy aanstelling het op 1 Januarie 2017 van krag geword.[5]

Vir die nasionale en provinsiale verkiesings van 8 Mei 2019 was hy die 89ste kandidaat op die DA se nasionale lys, die 27ste kandidaat op die DA se streeklys, en die 57ste kandidaat op die DA se provinsiale lys.[6] By die verkiesing het dit geblyk dat Mhlongo sy setel in die Nasionale Vergadering verloor het.[7] Mede-DA-LP Gwen Ngwenya het egter haar setel van die hand gewys en die DA het Mhlongo gekies om dit te vul. Hy is op 22 Mei 2019 saam met al die ander parlementslede ingesweer.[8] Op 5 Junie 2019 is hy deur Maimane as skaduminister van sport, kuns en kultuur aangestel.[9]

Maimane het in Oktober 2019 as DA-leier bedank en John Steenhuisen is in November as sy tussentydse opvolger ingestem.[10] Hy het Maimane se skadukabinet geërf. Die DA het toe besluit om in 2020 ’n leierskapskonferensie te hou om nuwe leierskap te verkies. Steenhuisen het sy leierskapveldtog in Februarie 2020 begin met Mhlongo wat sy leierskapveldtog vroeg in die openbaar onderskryf het.[11] Ná die bedanking van Funzela Ngobeni as die DA se Johannesburgse streekvoorsitter in Maart 2020, is Mhlongo as sy waarnemende opvolger verkies.

Nadat John Steenhuisen in November as DA-leier vir ’n volle termyn verkies is, het hy in Desember 2020 sy Skadukabinet aangekondig, waarin Mhlongo as Skaduminister van Sport, Kuns en Kultuur heraangestel is.[12]

Op 1 Desember 2023 is Mhlongo uit die DA geskors nadat hy skuldig bevind is aan sameswering om die party se kiesstelsels voor die 2024 nasionale en provinsiale verkiesings te bedrieg. Hy het as gevolg daarvan sy lidmaatskap van die Nasionale Vergadering verloor.[13]

Hy het toe die DA-leier Steenhuisen en Manny de Freitas daarvan beskuldig dat hulle partygeld gebruik het om Steenhuisen se leierskapveldtogte te finansier. Die DA het sedertdien gesê die party sal regstappe teen Mhlongo neem.[14] Op 7 Desember 2023 het hy by ActionSA aangesluit.[15]

Verwysings wysig

  1. ↑ 1,0 1,1 1,2 1,3 1,4 1,5 1,6 1,7 "Mr Tsepo Winston Mhlongo". Parliament of South Africa. Geargiveer vanaf die oorspronklike op 26 Januarie 2021. Besoek op 26 Januarie 2021.
  2. ↑ "DA list of candidates for 2014 provincial and national elections". Politicsweb. Besoek op 26 Januarie 2021.
  3. ↑ "2014 elections: List of DA MPs elected to the National Assembly". Politicsweb. 17 Mei 2014. Besoek op 26 Januarie 2021.
  4. ↑ Maimane, Mmusi (5 Junie 2014). "The DA's shadow cabinet - Mmusi Maimane". Politicsweb. Besoek op 26 Januarie 2021.
  5. ↑ (abonnement vereis) Ensor, Linda (24 November 2016). "The DA shuffles its shadows". www.businesslive.co.za. Besoek op 26 Januarie 2021.
  6. ↑ Selfe, James (16 Maart 2019). "#DALists: One South Africa for All in action". Democratic Alliance. Besoek op 26 Januarie 2021.
  7. ↑ "SEE: These are the people who will represent you in Parliament, provincial legislatures". News24. 15 Mei 2019. Besoek op 26 Januarie 2021.
  8. ↑ "List of national assembly MPs (As on 22 May 2019)" (PDF).
  9. ↑ Gerber, Jan (5 Junie 2019). "Here's the DA's 'shadow cabinet'". News24. Besoek op 26 Januarie 2021.
  10. ↑ Deklerk, Aphiwe (17 November 2019). "John Steenhuisen elected DA interim leader". TimesLIVE. Besoek op 26 Januarie 2021.
  11. ↑ Bhengu, Cebelihle (27 Februarie 2020). "John Steenhuisen says the DA will come out of its congress with a 'strong sense of purpose'". TimesLIVE. Besoek op 26 Januarie 2021.
  12. ↑ Mazzone, Natasha (5 Desember 2020). "DA announces new Shadow Cabinet that will bring Real Hope and Real Change". Democratic Alliance. Besoek op 26 Januarie 2021.
  13. ↑ "DA MP axed for 'cooking books' to boost chances of making it to parliament". TimesLIVE (in Engels). Besoek op 3 Desember 2023.
  14. ↑ Nemakonde, Vhahangwele (6 Desember 2023). "Mhlongo dares DA's 'makhulu baas' to publicly deny corruption allegations". The Citizen (in Engels). Besoek op 7 Desember 2023.
  15. ↑ Rall, Se-Ann (7 Desember 2023). "Axed Democratic Alliance MP Tsepo Mhlongo joins ActionSA". IOL. Besoek op 7 Desember 2023.

Eksterne skakels wysig

Hierdie artikel is in sy geheel of gedeeltelik vanuit die Engelse Wikipedia vertaal.
Ontsluit van "https://af.wikipedia.org/w/index.php?title=Tsepo_Mhlongo&oldid=2643494"