USS Wasp (CV-7)
Die USS Wasp (CV-7) was 'n vliegdekskip van die Amerikaanse Vloot wat in 1940 in diens gestel is en 1942 gesink het tydens die Slag van Guadalcanal. Die skip was die enigste in sy klas en gebou volgens die bepalings van die Vlootverdrag van Washington. Dit is in wese 'n verkleinde weergawe van 'n Yorktown-klas vliegdekskip se romp. Die skip was meer kwesbaar as enige ander Amerikaanse vliegdekskip toe die Tweede Wêreldoorlog uitgebreek het. Die Wasp is aanvanklik in die Atlantiese Oseaangebied ontplooi, die persepsie was dat kanse vir moontlike fatale skade aangerig deur die spilmoondhede minder was. Nadat die Wasp die inval van Ysland ondersteun het in 1941, het dit by die die Britse Vloot aangesluit in April 1942 en twee keer vliegtuie na Malta geneem.
_entering_Hampton_Roads_on_26_May_1942.jpg)
In Junie 1942 is die Wasp oorgeplaas na die Stille Oseaangebied om verliese gely tydens die Slag van die Koraalsee en Slag van Midway te vervang. Nadat dit ondersteuning verskaf het tydens die Slag van Guadalcanal, is die Wasp op 15 September 1942 deur drie torpedos van die Japannese duikboot I-19 getref. Die voltreffers het verskeie ontploffings tot gevolg gehad, onder andere is die waterpype vernietig en kragvoorsiening uit diens gestel. Dit het die skadebeheerspanne in 'n situasie geplaas waar hulle nie hul werk kon verrig nie en die brande aan boord het handuitgeruk. Almal aanboord het die skip verlaat en dit is gekelder deur torpedo's afgevuur deur die USS Landsdowne later die middag.
Die skip se wrak is in 2019 gevind.