Underberg

Underberg is 'n klein dorp in die suidweste van KwaZulu-Natal (Suid-Afrika), naby die grens met Lesotho. Die dorp het 'n bevolking van 2 694 in 2011 gehad Die dorp is 5 km suid van Himeville.

Underberg
'n Winkelsentrum in Underberg
Underberg  Underberg se ligging in KwaZulu-Natal
Koördinate: 29°47′S 29°30′O
Land	Suid-Afrika
Provinsie	KwaZulu-Natal
Distrik	Harry Gwala
Munisipaliteit	Dr Nkosazana Dlamini-Zuma
Stigting	1917
Oppervlak
• Totaal	19,71 km2 (7,61 vk. myl)
Bevolking  (2011)
• Totaal	2 694
• Digtheid	137/km2 (350/vk. myl)
Rasverdeling (2011)
• Wit mense	17.6%
• Indiërs/Asiërs	0.6%
• Bruin mense	1.3%
• Swart mense	79.7%
• Ander	0.7%
Taal (2011)
• Zoeloe	72.9%
• Engels	19.6%
• Sotho	2.3%
• Xhosa	1.9%
• Ander	3.6%
Poskode (strate)	3257
Poskode (posbusse)	3257
Skakelkode	033

Geskiedenis

Lugfoto van die Splashy Fen-fees

Underberg, aan die Umzimkulurivier, het as 'n enkele winkel ontstaan wat in 1886 hier opgerig is om die boere te bedien. Die owerhede het gemeen dat die dorp nie oor genoegsame natuurlike verdedigingslinies beskik het nie en het Himeville verder noord bevorder as die setel van die landdrosdistrik. Die dorp is die terminus vir die takspoorlyn vanaf Donnybrook.

Distrik

Die distrik is 1 937 km² groot. Die belangrikste ekonomiese aktiwiteit is bees- en skaapboerdery. Die distrik is waterryk en forelle kom natuurlik hier voor. Die Coleford-natuurreservaat is 25 km suid van Underberg.

Sien ook

• Lys van dorpe in Suid-Afrika

Bronne

• Op Pad in Suid-Afrika. B.P.J. Erasmus. 1995. ISBN 1-86842-026-4

Eksterne skakels

• Wikimedia Commons het meer media in die kategorie Underberg.