Václav Neumann
Václav Neumann (29 September 1920 – 2 September 1995) was 'n Tsjeggiese dirigent, violis en altviolis.
Neumann is in Praag gebore, waar hy aan die Konservatoria studeer het onder Josef Micka (viool), Pavel Dědeček en Metod Doležil (dirigent). Hy het die Smetana-kwartet gestig en 1ste viool en later altviool gespeel, voordat hy in Karlovy Vary en Brno begin dirigeer het. Hy het in 1956 begin dirigeer by die Komische Oper in Berlyn, en in 1964 vertrek om dirigent van die Leipzig Gewandhaus Orkes te word. Hy het daar gebly tot 1968, toe hy hoofdirigent van die Tsjeggiese Filharmoniese Orkes geword het, welke pos hy tot 1990 beklee het.
Neumann het klasse in dirigeer aan die Praagse Akademie vir Musiek aangebied waar sy studente Oliver von Dohnányi en Vítězslav Podrazil ingesluit het. Neumann is veral bekend as 'n voorstander van Tsjeggiese musiek. Hy het in 1962 die eerste ateljeeopname gemaak van Leoš Janáček se opera The Excursions of Mr. Brouček.
Neumann kan gesien waar hy die Tsjeggiese Filharmoniese Orkes dirigeer tydens 'n opname van die Dvořák Tjelloconcerto saam met die tjellis Julian Lloyd Webber. Dit kom voor in die rolprent Dvorak - In Love? deur die regisseur Tony Palmer.
Eksterne skakels wysig
- František Sláma Argief: Meer oor die geskiedenis van die Tsjeggiese Filharmoniese Orkes tussen die 1940's en 1980's. Afdelings Dirigente Geargiveer 25 September 2016 op Wayback Machine en die Tsjeggiese Filharmoniese Orkes en die mense Geargiveer 25 Desember 2018 op Wayback Machine
- Vaclav Neumann. A necrologue in The New York Times deur Allan Kozinn. Gepubliseer, 6 September 1995
- Review Digest for Performances by Vaclav Neumann on ClassicsToday
- Neumann in repetisie saam met die Tsjeggiese Filharmoniese Orkes en die tjellis Julian Lloyd Webber tydens 'n repetisie van Dvořák se tjelloconcerto.