Vivian Solomons
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Vivian Solomons (19 September 1952 – 13 April 1984) was ’n geskiedenisonderwyser; inspekteur van onderwys, Afrikaanse akteur en TV-aankondiger. Hy is in April 1984 oorlede kort nadat hy op Vrydag die 13de in ’n motorongeluk was.[1]
| Vivian Solomons | |
| Geboortenaam | Vivian Samuel Solomons |
|---|---|
| Geboorte | 19 September 1952 Germiston (verifikasie nodig) |
| Sterfte | 13 April 1984 Klerksdorp, Suid-Afrika |
| Nasionaliteit | Suid-Afrikaans |
| Beroep(e) | Geskiedenisonderwyser; inspekteur van onderwys; akteur, TV-aankondiger |
| Aktiewe jare | 1973 - 1984 |
Solomons het in die laat 1970's en vroeë 1980's naam gemaak in ’n paar toneelstukke, onder meer Athol Fugard se Statements After an Arrest Under the Immorality Act[2] in 1979 in die Markteater in Johannesburg saam met Wilma Stockenström en Adam Small se Kanna, Hy Kô Hystoe in 1981 in die Staatsteater in Pretoria saam met Wilna Snyman.[3]
Op 6 Julie 1983 het hy die eerste bruin aankondiger op die destydse "wit" kanaal TV1 geword.[4] Hy is in 1984 ná ’n motorongeluk dood te midde van omstredenheid – daar was glo ’n oponthoud om hom in die hospitaal te kry omdat nie besluit kon word of hy bruin of wit is nie.[5][6]
Toneelstukke
wysig- Statements After an Arrest Under the Immorality Act – 1979
- Kanna, Hy Kô Hystoe – 1981
- Die Koopman van Venesië – 1981
Verwysings
wysig- ↑ Vrydag, die 13de, 'bring geluk', Die Burger, 13 Mei 1994[dooie skakel] URL besoek op 26 Februarie 2013
- ↑ The Encyclopaedia of South African Theatre, Film, Media and Performance URL besoek op 26 Februarie 2013
- ↑ Die volle betekenis van aktrise en vrou, Beeld, 29 November 2010[dooie skakel] URL besoek op 26 Februarie 2013
- ↑ S. African TV breaks color bar, Ottawa Citizen, 9 Julie 1983 URL besoek op 26 Februarie 2013
- ↑ Ernest, David Solomon Harold, MA-tesis, Meaning in Small, Snyders and Pearce: an Application of Lotman's Semiotics to 'Coloured' Literature URL besoek op 26 Februarie 2013
- ↑ Race Before Treatment, Sydney Morning Herold, 26 April 1984 URL besoek op 26 Februarie 2013