Vlag van Kambodja

Die nasionale vlag van Kambodja (Khmer: ទង់ជាតិ កម្ពុជា, Tung-Cheat, letterlik: "Nasionale vlag") is op 24 September 1993 amptelik in gebruik geneem. Kambodja het hierdie ontwerp van die nasionale vlag tussen 1948 en 1970 gebruik en weer in 1993 die vlag aanvaar.

Vlag van Kambodja

Vlag van Kambodja
Bynaam	(kh) ទង់ជាតិកម្ពុជា Tung-Cheat (af) Nasionale vlag
Gebruik	Nasionale vlag en vaandel
Verhouding	2:3
Goedgekeur	24 September 1993
Ontwerp	Drie horisontale bane in blou, rooi en blou met die Angkor Wat in wit in die middel van die rooi baan.

Simboliek

Rooi en blou is die tradisionele kleure van Kambodja. Voorts stel rooi dapperheid en die mense voor terwyl blou vryheid, samewerking en broederskap en die koning voorstel. Die Angkor Wat stel integriteit, geregtigheid, erfenis en Theravada-Boeddhisme voor.

Skema	Betekenis	Tekstielkleur
Angkor Wat	Integriteit, geregtigheid en erfenis	Religie
Blou	Vryheid, samewerking, broederskap	Koning
Rooi	Dapperheid	Nasie

Ontwerp

Kleure

Vertikale vertoning van die vlag van Kambodja

Die kleurskema vir die vlag onder Franse koloniale beheer (1863–1948) en die huidige vlag van Kambodja (sedert 1993):

/	Blou	Rooi	Wit
RGB	3-46-161	224-0-37	255-255-255
Heksadesimaal	#032ea1ff	#e00025ff	#FFFFFF
CMYK	98-71-0-37	0-100-83-12	0-0-0-0

Die kleurskema vir die vlag van die Khmer-republiek (1970–1975):

	Blou	Rooi	Wit
RGB	0-0-128	204-0-0	255-255-255
Heksadesimaal	#000080ff	#cc0000ff	#FFFFFF
CMYK	100-100-0-50	0-100-100-20	0-0-0-0

Die kleurskema vir die vlae van die Demokratiese Kampuchea (1976–1992) en die Volksrepubliek Kampuchea (1979–1989):

/	Rooi	Geel
RGB	218-18-26	252-221-9
Heksadesimaal	#da121aff	#fcdd09ff
CMYK	0-92-88-15	0-12-96-1

Die kleurskema vir die vlag van die Staat Kambodja (1989–1991):

	Blou	Rooi	Geel
RGB	0-0-128	218-18-26	252-221-9
Heksadesimaal	#000080ff	#da121aff	#fcdd09ff
CMYK	100-100-0-50	0-92-88-15	0-12-96-1

Geskiedenis

Angkor Wat in Angkor (ook bekend as Yasodharapura).

Sedert omstreeks 1850 het die vlag van Kambodja ’n afbeelding van die Angkor Wat in die middel. Die huidige vlag met drie bane afwisselend in blou en rooi (in verhouding 1:2:1) is aanvaar ná Kambodja se onafhanklikheidswording in 1948. Dit is tot 9 Oktober 1970 gebruik toe ’n nuwe vlag vir Lon Nol se Khmer-republiek aanvaar is. Die republiek het tot 1975 gefunksioneer toe die Khmer Rouge in 1975 oorgeneem het. Die gevolglike staat Demokratiese Kampuchea, wat van 1975 tot 1979 geduur het, het ’n rooi vlag met die Angkor Wat (met drie torings) in geel daarop, gebruik. In 1979 is die Volksrepubliek Kampuchea gestig na die Kambodjaans-Viëtnamese Oorlog.

Die Kampucheaanse Nasionale Verenigde Front vir Nasionale Redding (FUNSK) het die vlag wat deur die Khmer Issarak aanvaar is in die dae van anti-Franse weerstand teen die nuwe staat, aangeneem. Hierdie vlag het dieselfde kleurskema as Demokratiese Kampuchea, maar met ’n geel Angkor Wat met vyf torings. Toe die Volksrepubliek Kampuchea sy naam in 1989 na die “Staat Kambodja” verander, is die vlag se onderste helfte na blou verander. Die UNTAC-vlag is gedurende die oorgangstydperk in 1992–1993 saam met die nuwe vlag in Kambodja gebruik.

In 1993 is die Kambodjaanse vlag van 1948 weer aangeneem. Tussen 1948 en 1993 het die vyf verskillende vlae wat gebruik is elk ’n afbeelding van die Angkor Wat in een of ander vorm gebruik. Hierdie beroemde tempelterrein wat uit die 12de eeu dateer, is deur die Mahidharapura-monarge gebou. Dit het vyf torings, maar dit is nie altyd so in die gestileerde weergawe op die vlag gebruik nie. Die monargie is in September 1993 herstel, maar die vlag is reeds in Junie van daardie jaar aanvaar.

Die huidige Kambodjaanse vlag en die vlag van Afghanistan is die enigste twee nasionale vlae ter wêreld wat ’n gebou uitbeeld.

• 
  Vlag van die Khmer-ryk, pre-1863
• 
  Vlag van Kambodja onder Franse koloniale beheer, 1863 tot Maart 1945 en Oktober 1945 tot 1948
• 
  Vlag van Kambodja onder Japannese besetting, Maart tot Oktober 1945
• 
  Vlag van die Koninkryk Kambodja, 1948 tot 1970
• 
  Vlag van die Khmer-republiek, 1970 tot 1975
• 
  Vlag van Demokratiese Kampuchea, 1975 tot 1979
• 
  Vlag van die Volksrepubliek Kampuchea, 1979 tot 1989
• 
  Vlag van die Staat Kambodja, 1989 tot 1991
• 
  Vlag van Kambodja onder die Verenigde Nasies-oorgangsowerheid in Kambodja (UNTAC), 1992 tot 1993

Ander vlae

• 
  Vlag van die Kommunistiese Party van Kampuchea
• 
  Koninklike standaard van Kambodja (ទង់ព្រះមហាក្សត្រ; letterlik: "Koningsvlag"), tot 1993
• 
  Koninklike standaard van Kambodja, sedert 1993

Eksterne skakels

• (en) Kambodja by Flags of the World.
• (en) "Flag of Cambodia". Encyclopædia Britannica. Besoek op 27 Mei 2019.

Hierdie artikel is in sy geheel of gedeeltelik vanuit die Engelse Wikipedia vertaal.