Vlag van Nepal
Die nasionale vlag van Nepal is op 16 Desember 1962 amptelik in gebruik geneem. Die vlag vertoon ’n kombinasie van twee rooi vaantjies met ’n blou fraiing en ’n wit son en sekelmaan in die wimpels.
 |
|
| Gebruik | Burgerlike- en Staatsvlag en Nasionale vaandel  |
|---|---|
| Verhouding | sien artikel |
| Goedgekeur | 16 Desember 1962[1] |
| Ontwerp | ’n Kombinasie van twee rooi vaantjies met ’n blou fraiing met ’n wit son en sekelmaan daarbinne |
Simboliek
wysig
Die karmosynrooi is die kleur van die rododendron, die nasionale blom van Nepal en stel die heldhaftige gees van die Nepalese voor. Rooi is ook die teken van oorwinning in oorlog. Die blou fraiing stel vrede en harmonie voor. Die twee driehoeke stel die Himalaja voor en kan ook verteenwoordigend wees van die twee grootste geloofsgroepe in Nepal, die Hindoeïsme en Boeddhisme.
Die vlag is aanvaar nadat Prithvi Narayan Shah al die klein vorstedomme van Nepal verenig het. In die moderne tyd is die konsep van ’n vlag na ’n ander betekenis herlei. Sedert die tyd van Ramayana en Mahabharata is die driehoekige rooi vlag ’n Hindoeteken van oorwinning. Die uitbeelding van hemelliggame stel duursaamheid voor in die hoop dat Nepal so lank soos die son en maan sal bestaan. Die maan stel voor dat die Nepalese rusgewend en kalm is terwyl die son felle vasberadenheid voorstel. Die maan stel ook die skaduwee en die koel weer van die Himalaja voor waar die son die hitte en hoë temperatuur van die Terai voorstel. ’n Ander interpretasie is dat die vorm van die vlag ’n Nepalese pagode, ’n tradisionele Oosterse boustyl, voorstel, veral wanneer ’n spieël aan die vlagpaal gehou word.
Vlagverhouding
wysigVolgens die geometriese konstruksiewet moet die omskrywende reghoek ’n irrasionele hoogte-breedte-verhouding van 1:1.21901033… hê.[2]
Ontwerp
wysigDie vlag is ’n vereenvoudigde kombinasie van twee enkel vaantjies. Tot 1962 het die embleme op die vlag, die son en sekelmaan, gesigte gehad. Dit is in die gemoderniseerde weergawe verwyder. Daar is ’n presiese beskrywing van die Nepalese nasionale vlag in die Grondwet van die Koninkryk Nepal, Artikel 5(1) wat op 9 November 1990 aanvaar is.[3]
Ander vlae
wysig-
Vlag van Nepal voor 1962 -
Vlag van die Mustang-koninkryk
.svg)
Verwysings
wysig- ↑ "Nepal" (in Engels). Flags of the World. Geargiveer vanaf die oorspronklike op 20 November 2018. Besoek op 27 Mei 2019.
- ↑ "Die Aanlynensiklopedie van heelgetalvolgordes" (html) (in Engels). OEIS.org. Geargiveer vanaf die oorspronklike op 9 Oktober 2019. Besoek op 17 Julie 2015.
- ↑ (en) Grondwet van die Koninkryk van Nepal, Artikel 5(1)
Eksterne skakels
wysig| Wikimedia Commons bevat media in verband met Vlae van Nepal. |
- (en) Nepal by Flags of the World.
- (en) "Flag of Nepal". Encyclopædia Britannica. Besoek op 27 Mei 2019.
| Hierdie artikel is in sy geheel of gedeeltelik vanuit die Engelse Wikipedia vertaal. |
