Vlag van Viëtnam
Die nasionale vlag van Viëtnam is op 5 September 1945 amptelik in gebruik geneem. Die vlag vertoon ’n enkele rooi baan met ’n goue vyfpuntige ster in die middel.
 |
|
| Bynaam | (vi) Cờ đỏ sao vàng (Rooi vlag met ’n goue ster) |
|---|---|
| Gebruik | Nasionale vlag en vaandel  |
| Verhouding | 2:3 |
| Goedgekeur | 5 September 1945[1] |
| Ontwerp | ’n Enkele rooi baan met ’n goue ster in die middel. |
| Ontwerp deur | Nguyễn Hữu Tiến (of Lê Quang Sô)[2] |
 |
|
| Gebruik | Oorlogsvlag  |
| Verhouding | 2:3 |
| Ontwerp | ’n Enkele rooi baan met ’n goue ster in die middel en die woorde “Quyết thắng” in die skildhoek. |
Simboliek wysig
Die vlag bestaan soos vermeld uit ’n rooi veld met ’n goue ster wat die leierskap van die Viëtnamese Kommunistiese Party voorstel. Die vyf punte van die ster stel die arbeiders, die boere, die soldate, die intellektuele en die handelaars voor.[3] Die rooi in die vlag stel die bloed van die volk en die kommunistiese rewolusie voor.
Ontwerp wysig
Volgens die Grondwet van 2013: “Die Nasionale Vlag van die Sosialistiese Republiek Viëtnam is reghoekig met die hoogte gelyk aan tweederdes van die wydte; in die middel van die varsrooi agtergrond is ’n helder vyfpuntige ster in goud.”[4]
.svg)
Kleure wysig
Die kleurskema word hieronder gelys:
|
|
Pantone | CMYK | RGB | Hexadseimaal | NCS |
|---|---|---|---|---|---|
| Rooi | 1788 | 0.88.88.11 | 226, 28, 28 | #E21C1C | S 1085 Y80R |
| Geel | Geel 116 | 0.0.100.0 | 255, 255, 0 | #FFFF00 | S 0570 G70Y |
Geskiedenis wysig
Viëtnam (destyds bekend as Annam) was van 1883 deel van die Unie van Frans-Indo-China. Annam het ’n geel vlag met die vlag van Frankryk in die skildhoek gebruik. Tydens die Tweede Wêreldoorlog was Viëtnam ’n vasalstaat van Japan. Gedurende hierdie periode het die land ’n geel vlag met drie horisontale bane waarvan die middelste ’n gaping gehad het, gebruik.
Na afloop van die Tweede Wêreldoorlog is Viëtnam in ’n noordelike en suidelike deel verdeel. Noord-Viëtnam het ’n vlag soortgelyk aan dié van die huidige aangeneem terwyl Suid-Viëtnam aanvanklik dieselfde vlag as wat gedurende die vasalstaattydperk gebruik is, aangeneem. In 1948 is die middelste baan deur ’n ononderbroke baan vervang. Hierdie vlag was afkomstig van die magtige Nguyen-dinastie wat die vlag tussen 1890 en 1920 gebruik het. Die vlag word soms nog deur Viëtnamese emigrante in o.m. die Verenigde State gebruik omdat hulle die huidige vlag as ’n simbool van kommunistiese onderdrukking beskou. Andersyds word mense in Viëtnam vervolg wat die voormalige vlag van Suid-Viëtnam vertoon.
Na die val van Saigon op 30 April 1975 aan die hand van Noord-Viëtnam, het Suid-Viëtnam oorgegee, en is die Viëtnamoorlog beëindig. Tydens die Viëtnamoorlog het die kommuniste in Suid-Viëtnam op 8 Junie 1969 ’n eie staat, te wete die Republiek Suid-Viëtnam, opgerig. Die vlag wat hierdie republiek gebruik het was soortgelyk aan dié van Noord-Viëtnam maar met die onderste helfte van die vlag in ligblou. Vanaf 30 Junie 1975 tot en met die amptelike hereniging op 2 Julie 1976 was dit ook die amptelike vlag van Suid-Viëtnam.[5]
Die huidige vlag is deur die Vietminh, ’n kommunistiese organisasie wat in 1941 as opposisie teen Japannese okkupasie gestig is, gebruik. Aan die einde van die Tweede Wêreldoorlog het Hồ Chí Minh, leier van Vietminh, Viëtnamese onafhanklikheid verklaar en op 5 September 1945 ’n dekreet onderteken wat die vlag as die vlag van Noord-Viëtnam aanvaar het.[6] Die DRV het na die Geneefse Konferensie van 1954 die regering van Noord-Viëtnam oorgeneem. Die vlag is op 30 November 1955 aangepas om die kante van die ster duideliker te laat vertoon.[7]
Vorige vlae wysig
-
Vlag van Annam as deel van Frans-Indo-China -
Vlag van die Keiserryk Viëtnam (Mrt. tot Aug. 1945) en Suid-Viëtnam, 1945 tot 1948 -
Vlag van Noord-Viëtnam, 1945 tot 1955 -
Vlag van Suid-Viëtnam, 1948 tot 1975 -
Vlag van die Republiek Suid-Viëtnam, 1975 tot 1976
.svg)
.svg)
Ander vlae wysig
-
Vaandel van die Viëtnamese Volksvloot
Soortgelyke vlae wysig
-
Vlag van Somalië, sedert 1954 -
Vlag van Stellaland, 1883 tot 1885 -
Vlag van Belgies-Kongo, 1908 tot 1960 -
Konfederale Bonnie Blue-vlag, 1961
Sien ook wysig
Verwysings wysig
- ↑ "Viëtnam" (in Engels). Flags of the World. Geargiveer vanaf die oorspronklike op 28 Maart 2019. Besoek op 28 Mei 2018.
- ↑ (vi) Sự ra đời của lá cờ đỏ sao vàng ở Mỹ Tho Geargiveer 2 November 2012 op Wayback Machine.
- ↑ (en) [1]
- ↑ (vi) Grondwet van die Sosialistiese Republiek Viëtnam, Article 13.
- ↑ (en) Resolusie van 7 Julie 1976, Argief van Viëtnamese regsdokumente.
- ↑ (en) Dekreet nommer 5 van 5 September 1945 Geargiveer 31 Julie 2012 op Wayback Machine, Argief van Viëtnamese regsdokumente.
- ↑ (en) Resolusie 249/SL van 30 November 1955, Argief van Viëtnamese regsdokumente.
Eksterne skakels wysig
| Wikimedia Commons bevat media in verband met Vlae van Viëtnam. |
- (en) Viëtnam by Flags of the World
- (en) "Flag of Vietnam". Encyclopædia Britannica. Besoek op 28 Mei 2019.
| Hierdie artikel is in sy geheel of gedeeltelik vanuit die Engelse Wikipedia vertaal. |
