Vlag van Somalië

Die nasionale vlag van Somalië (Somalies: Calanka Soomaaliyaa; Arabies: علم الصومال) is op 12 Oktober 1954 amptelik in gebruik geneem. Die vlag vertoon ’n enkele blou baan met ’n wit vyfpuntige ster in die middel van die vlag.

Vlag van Somalië
Vlag van Somalië
Gebruik Nasionale vlag en vaandel Nasionale vlag en vaandel
Verhouding 1:2
Goedgekeur 12 Oktober 1954
Ontwerp ’n Blou vlag met ’n wit ster in die middel.
Ontwerp deur Mohammed Awale Liban

SimboliekWysig

Die blou baan herinner ’n mens aan die Verenigde Nasies wat op ’n punt die area geadministreer het. Die vyfpuntige ster stel die vyf areas voor waarvandaan die Somaliërs afkomstig is nl.: noordelike Somalië, suidelike Somalië, noordelike Kenia, suidelike Ethiopië en Djiboeti. Die ster is ook ’n simbool van vryheid en die wit stel hoop, vrede en vooruitgang voor.[1]

OntwerpWysig

Die vlag van Somalië is gebaseer op die vlag van die Verenigde Nasies, die verskil is dat daar ’n ster in die middel van die vlag is. Die vlag is ook soortgelyk aan die vlag van Viëtnam en die Bonnie Blue-vlag.

KleureWysig

 
  Hemelblou-weergawe van die Somaliese vlag

Die kleurskema word hieronder gelys:

  Blou Wit
RGB 65/137/221 255/255/255
Heksadesimaal #4189DD #FFFFFF
CMYK 71/38/0/13 0/0/0/0

KonstruksieWysig

Die vlag van Somalië kan met behulp van die volgende konstruksieplan gereproduseer word:

Ander vlaeWysig

Verskeie gebiede van Somalië het hul onafhanklikheid van die sentrale regering verklaar. Somaliland, Jubaland, Suidwes-Somalië, Puntland en die Maakhirstaat gebruik hul eie vlae, terwyl die Noordlandstaat en Galmudug die vlag van Somalië gebruik.

Soortgelyke vlaeWysig

Sien ookWysig

VerwysingsWysig

  1. (en) Greig, Charlotte. The Dictionary of Flags. Grange Books. ISBN 1-84013-758-4

Eksterne skakelsWysig

  • (en) Somalië by Flags of the World.
  • (en) "Flag of Somalia". Encyclopædia Britannica. Besoek op 15 Mei 2019.


Hierdie artikel is in sy geheel of gedeeltelik vanuit die Nederlandse Wikipedia vertaal.