Voëlrivier
Die Voëlrivier (Vogelsrivier) is die belangrikste oostelike sytak van die Sondagsrivier in die Oos-Kaap van Suid-Afrika.
| Voëlrivier | |
|---|---|
| Stroomgebied | Oos-Kaap |
| Monding | Darlingtondam (Sondagsrivier) |
| Oorsprong-hoogte | 1 800 m |
| Monding-hoogte | 247 m |
  Voëlrivier |
|
| Koördinate: 33°6′49″S 25°7′17″O / 33.11361°S 25.12139°O | |
Hierdie rivier ontspring op 1 800 m bo seevlak in die Tandjiesberg, oos van Graaff-Reinet en wes van Cradock. Daarna vloei die rivier suidwaarts en deur die dorp Pearston. Net stroomaf kom die Groot-Blyderivier uit die noordnoordooste vanaf Groot-Bruintjieshoogte en sluit by die Voëlrivier aan. (Die Blyderivierdam is net voor die aansluiting in die Blyderivier). Die groter Voëlrivier vloei verder suid en loop by Toekomst in die Darlingtondam in die Sondagsrivier.
Die Voëlrivier is 'n seisoenale rivier met standhoudende kuile. Besproeiingsboerdery vind op die oewers plaas. Erosie is ‘n groot probleem.
Onder die San was die rivier as die Cannigua, “die plek wat wemel van die voëls”, bekend.
Hierdie Oos-Kaap-verwante artikel is slegs 'n saadjie. U kan ons wikipedia help deur dit uit te brei.