Maak hoofkeuseskerm oop

William Blake (28 November 175712 Augustus 1827), was 'n Engelse digter, skilder en drukkunstenaar. Blake was hoofsaaklik onbekend gedurende sy leeftyd, maar word tans as 'n seminale figuur in die geskiedenis van die digkuns en visuele kunste van die Romantiese era beskou.

William Blake
’n Beeld van die betrokke persoonlikheid.
Portret van William Blake deur Thomas Phillips in 1807

Geboortenaam Samuel Finley Breese Morse
Gebore 28 November 1757
Soho, Londen, Engeland
Oorlede 12 Augustus 1827 (op 69)
Charing Cross, Londen, Engeland
Nasionaliteit Vlag van Verenigde Koninkryk Verenigde Koninkryk
Beroep Digter, skilder, drukkunstenaar
Bekend vir Songs of Innocence and of Experience
The Marriage of Heaven and Hell
The Four Zoas
Jerusalem
Milton
And did those feet in ancient time
Huweliksmaat Catherine Boucher (1782–1827, sy dood)
Handtekening William Blake signature.svg

Hy het 'n unieke metode in die waterverfskilderkuns ontwikkel in 'n poging om sy digkuns in waterverf uit te beeld. Blake bevraagteken die heersende waardes van sy tyd, op die gebied van kuns, godsdiens en filosofie. Sy poësie voorspel die groot veranderinge wat sou kom en baan die weg vir die konvensies van die 18de eeu.

LewensverloopWysig

 
'n Grafsteen in die Bunhill Fields-begraafplaas te Islington, Londen herinner aan William Blake en sy vrou Catherine

Blake het grootgeword in 'n warm en onkonvensionele middelklasgesin in Londen. Sy vader James was van Ierse oorsprong en heet eintlik O'Neill. Young William was 'n hardnekkige seun. Hy het nie skool toe gegaan nie en het sy opleiding grootliks van sy ma ontvang. Hy lees alles wat hy in die hande kan kry, insluitend Shakespeare, Milton, Ben Jonson en die Bybel en het ook die nodige kennis van Frans, Italiaans, Latyn, Grieks en Hebreeus bekom. Spoedig is sy kunstalent erken en aangemoedig. Hy het ook 'n mistieke inslag gehad en visioene gesien, wat hom tot sy latere lewe sou lei.

Op die ouderdom van veertien het hy by die grafiese kunstenaar James Basire gaan studeer. Hy het hom laat skets en tekenings gemaak van die Westminster Abbey en ander ou kerke in Londen. In daardie tyd is hy sterk beȉnvloed deur die Gotiese styl. Toe hy 21 was, is hy toegelaat tot die Royal Academy. Hy wou egter meer wees as net 'n grafiese kunstenaar en het ook teen die heersende konvensionele kunsbegripte gekant. Na sy huwelik met Catherine Boucher in 1782 kon hy 'n eerste publikasie publiseer, met die aandrang en met die ondersteuning van 'n paar vriende naamlik; Poetical sketches (1783).

Blake is in 1827 oorlede en is in Bunhill Fields in Londen begrawe.

LetterkundeWysig

Sy mistieke inslag het gelei tot sy eie mitologie, met baie simboliese en dikwels duistere werke. Blake se poësie beweeg tussen twee pole. Aan die een kant is daar die liriese, pastorale wêreld van Songs of Innocence (1789) en aan die ander kant die "dark satanic mills" van die Industriële Revolusie en die mens se verset daarteen soos uitgebeeld in Songs of Experience (1794). Hierdie laaste werk is nooit weer apart gepubliseer nie, maar altyd as 'n eenheid met die vroeëre, onder die titel Songs of Innocence and Experience wat die twee teenoorgestelde stadiums van die menslike siel toon.

Blake se kontak met die revolusionêre kringe van Tom Paine en William Godwin het as inspirasie gedien vir sy belangrikste satiriese prosawerk The Marriage of Heaven and Hell (1790-93). In hierdie werk manifesteer sy begeerte tot vryheid en Proverbs of Hell 'n bondige voorstelling van sy lewe en kunswaardering is ook daarin ingesluit. Sy revolusionêre idees is ook uitgedruk in vir gedigte soos The French Revolution (1791), America, a prophecy (1793) en Visions of the Daughters of Albion (1793). Ná 1794 het hy sy groot "prophetic books" geskryf waarin hy 'n eie mitologie ontwikkel. Hiervan is The four Zoas (1795-1804), Milton (1804- 1820) en Jerusalem (1804-1820) die belangrikste. Uit hierdie werke blyk dit duidelik dat Blake die warm menslikheid van die siel belangriker as die koel rede geag het. Sy wanhoop het plek gemaak vir 'n filosofie waarin verlossing in liefde en vergifnis gesien word.

Beeldende kunsWysig

In sy illustrasies en waterverfskilderye het Blake die perspektief wat sedert die Renaissance in gebruik was, verwerp en kleur subjektief gebruik. Baie van sy kunswerke het ontstaan as illustrasies vir bestaande boeke of vir sy eie geskrifte. In laasgenoemde geval vorm die handgeskrewe teks en die illustrasies 'n dekoratiewe geheel, soos byvoorbeeld in Songs of Innocence (1789), waarvoor hy 'n nuwe grafiese tegniek bekend as " illuminated printing" ontwikkel het. Die illustrasies is later met die hand ingekleur. Sy illustrasies vir die Bybelboek Job, wat in 1820 ontwerp en in 1826 gegraveer is, asook dié vir Dante se Divina Commedia, waaraan hy tot met sy dood gewerk het, is van sy bekendste werk. Blake het weinig erkenning van tydgenote geniet. Eers ná 1850 is sy werk, waarvan sommige in die Tate Gallery in Londen te sien is, herontdek. Hy word vandag beskou as 'n voorloper van die Art Nouveau-beweging.

BronnelysWysig

Hierdie artikel is in sy geheel of gedeeltelik vanuit die Nederlandse Wikipedia vertaal.