100 meter Leeuloop
100 meter Leeuloop is 'n Afrikaanse rolprent wat op 15 Maart 2013 vrygestel is. Die regisseurs was Diony Kempen en Robbie Wessels. Robbie se broer, Hamilton Wessels het die draaiboek geskryf.
| 100 meter Leeuloop | |
|---|---|
| Regisseur | Diony Kempen en Robbie Wessels |
| Produksieleier | "Coleske Artists" |
| Draaiboek | Hamilton Wessels |
| Met | Robbie Wessels Hanna Grobler Emo Adams Annette Engelbrecht |
| Verspreider | Ster-Kinekor |
| Uitgereik | 15 Maart 2013 |
| Speeltyd | 1 uur 34 minute |
| Land | Suid-Afrika |
| Taal | Afrikaans |
| Amptelike webtuiste | |
Genre
wysigDie rolprent is 'n komedie. Dit het 'n OL-ouderdomsperk (ouerleiding).
Hoofkarakters
wysig- Robbie Wessels as Manie Mol, Ronnie Wentzel en Gazi
- Hanna Grobler
- Emo Adams as Harregat Harighol
- Annette Engelbrecht as Mina Mol, Manie se ma
- Seth Zimu as Petros Petros Mali
- Hamilton Wessels as Dopi
- Justin Smit as Fanie Venter
- Jan-Adriaan van Rooyen
Storielyn
wysigManie is 'n musikant en fanatiese ondersteuner van die sanger, danser en leeuloper Ronnie Wentzel. Manie word as een van vyf finaliste in 'n kompetisie gekies en moet kragte met die ander vier meet. Daar is Pieter Platina, die platanna-boer; Ray Mac, die ritmiese "raver"; Fanie Venter, ’n man wat op sy dag graag Venter-sleepwaentjies gesteel het en Petros Petros Malie, 'n "peashooter"-kampioen. 'n Deelnemer word uit die kompetisie gegooi as gevolg van die gebruik van verbode middels en die karakter Harregat Harighol en die twee aanbieders van die sportprogram Bol-'n-All, Gazi en Dopi, sorg vir nog onvoorspelbare gebeure.
Sien ook
wysig- Lys van Afrikaanse rolprente
- Leeuloop — die liedjie